విక్రమ్ కూతురు నిశ్చితార్థ ఉంగరం మిస్సైంది!

ప్రముఖ సినీ నటుడు చియాన్ విక్రం కుమార్తె అక్షిత నిశ్చితార్ధ ఉంగరం కనిపించడం లేదట. ఈ విషయమై విక్రమ్‌ - అక్షిత లు స్థానిక పోలీస్‌ స్టేషన్‌లో ఫిర్యాదు కూడా చేశారు. ఖాదర్‌ నవాజ్‌ ఖాన్‌ రోడ్డులోని ఓ ఐస్‌ క్రీం పార్లర్‌ కు వెళ్లి తిరిగి ఇంటికి వెళ్తుండగా చూసుకునే సరికి చేతికి ఉంగరం లేదని ఆ ఫిర్యాదులో పేర్కొన్నారు. ఆ ఉంగరం విలువ సుమారు రూ.12 లక్షలు ఉంటుందని అక్షిత తెలిపింది. వెంటనే దర్యాప్తు ప్రారంభించిన పోలీసులు ఐస్‌ క్రీం పార్లర్‌ లోని సీసీటీవీ ఫుటేజ్‌ ను పరిశీలించారు. ఈ విషయంపై విక్రం కూడా కొంతమంది ఉన్నతాధికారులకు దర్యాప్తు ముమ్మరం చేయమని రిక్వస్ట్ కూడా చేశారట.

కాగా డీఎంకే అధ్యక్షుడు కరుణానిధి మునిమనవడు మను రంజిత్‌ తో - అక్షిత కు జూలై 10న నిశ్చితార్థం జరిగిన సంగతి తెలిసిందే. ఆ నిశ్చితార్దంలో రంజిత్ తన కాబోయే భార్యకు ఎంగేజ్ మెంట్ రింగ్ తొడిగారు. ఇప్పుడు ఆ నిశ్చితార్ధ ఉంగరమే కనిపించడం లేదట. అన్నీ అనుకూలంగా జరిగితే అక్షిత - రంజిత్‌ ల వివాహం 2017లో చేయాలని పెద్దలు నిశ్చయించారు. గత కొద్దికాలంగా రిలేషన్ షిప్ లో ఉన్న అక్షిత - మనులు పెద్దల అనుమతితో పెళ్లి చేసుకోనున్నారు.