టీజర్ టాక్: ఏజెంట్ జాన్ కొత్తగున్నాడే

అసలే సంక్రాంతి సీజన్ కాబట్టి.. ఈ హాలిడేస్ లో కేవలం సినిమాలతోనే కాకుండా సినిమా టీజర్లతో కూడా ఫిలిం మేకర్లు తెగ ఎంటర్టయిన్ చేస్తుంటారు. అదిగో నాలుగు రోజుల నుండి రోజుకో పోస్టర్ అన్నట్లు తన బ్యాటింగ్ తో షాక్ కొట్టిస్తున్న దర్శకుడు గౌతమ్ మీనన్ ఇప్పుడు మాత్రం ఏకంగా టీజర్ తో విచ్చేశాడు.

హీరో విక్రమ్ లీడ్ లో.. అను ఎమ్మానుయేల్ హీరోయిన్ గా.. ''ధృవ నట్చత్రమ్'' అనే సినిమాను చెక్కుతున్నాడు గౌతమ్ మీనన్. ఈ సినిమా టీజర్ ను నిన్ననే విడుదల చేశాడు. అమెరికాలో భారత దేశం తరుపున పనిచేసే ఏజెంట్ జాన్ గా విక్రమ్ చాలా స్టయిలిష్‌ అండ్ ఇంటెన్స్ గా ఈ టీజర్లో కనిపించాడనే చెప్పాలి. చాలా ఇంటెలిజెంట్ అండ్ కాస్ట్ లీ స్పయ్ థ్రిల్లర్ లా అనిపిస్తోంది. ఒక ప్రక్కన జాసన్ బార్న్ సినిమాల ఇనిస్పిరేషన్ క్లియర్ గా కనిపిస్తున్నా కూడా.. ఈ సినిమాను వేరే స్థాయిలో గౌతమ్ మీనన్ తీసుంటాడనే అనిపిస్తోంది.

ఇకపోతే హారిస్ జయరాజ్ అందించిన మ్యూజిక్ కూడా టెరిఫిక్ గా ఉంది. ధృవ నట్చత్రమ్ సినిమాను ఆగస్టు 2017లో విడుదల చేస్తున్నారు.