నాని-విక్ర‌మ్.కె కొత్త టైటిల్ అన్వేష‌ణ‌?

నాని హీరోగా విక్ర‌మ్.కె.కుమార్ ద‌ర్శ‌క‌త్వంలో మైత్రి మూవీస్ సంస్థ నిర్మిస్తున్న తాజా సినిమా టైటిల్ వివాదం మొద‌టికే వ‌చ్చింద‌ని తెలుస్తోంది. `గ్యాంగ్ లీడ‌ర్` అనే టైటిల్ ని ఎంపిక చేసుకున్న ఈ టీమ్ ఆ టైటిల్ ని ద‌క్కించుకోలేని స‌న్నివేశం నెల‌కొంది. ఈ సినిమా టైటిల్ ని అంత‌కుముందే వేరొక సంస్థ రిజిస్ట‌ర్ చేసి సినిమాని ప్రారంభించడంతో వివాదం పెద్ద‌దైంది. చిరంజీవి వీరాభిమాని అయిన మాణిక్యం మూవీస్ అధినేత మోహ‌న్ కృష్ణ‌ టైటిల్ విష‌యంలో నాని టీమ్ ని వ్య‌తిరేకించారు. `గ్యాంగ్ లీడ‌ర్` టైటిల్ ని నాని టీమ్ కాజేసే ప్ర‌య‌త్నం చేసింద‌ని ఆరు నెల‌ల క్రితం రిజిస్ట‌ర్ చేయించి షూటింగ్ ప్రారంభిస్తే.. చ‌ట్ట విరుద్ధంగా లాక్కోవాల‌ని చూశార‌ని ఆయ‌న ఇదివ‌ర‌కూ ఆరోపించారు. ఒక‌వేళ టైటిల్ ని వ‌దులుకోవాల్సి వ‌స్తే మెగా ఫ్యామిలీకే ఈ టైటిల్ ని ఇస్తామ‌ని వేరొక‌రికి ఛాన్సే లేద‌ని మాణిక్యం మూవీస్ టీమ్ నానీకి బిగ్ కౌంట‌ర్ ఇవ్వ‌డంతో టైటిల్ వివాదంపై ఆస‌క్తిక‌ర చ‌ర్చ సాగింది.

ఎట్ట‌కేల‌కు నాని మూవీ చిత్రీక‌ర‌ణ ముగింపు ద‌శ‌కు చేరుకుంది. ఈనెల 20వ తేదీతో షూటింగ్ పూర్తి కానుంది. నెలాఖ‌రున టైటిల్ లాంచ్ స‌హా టీజ‌ర్ ని రిలీజ్‌ చేసేందుకు చిత్ర‌యూనిట్ ప్లాన్ చేస్తోంది. ఆగ‌స్టు 30 న సినిమాని రిలీజ్ చేయ‌నున్నారు. ఆ క్ర‌మంలోనే మైత్రి సంస్థ ప్ర‌స్తుతం కొత్త టైటిల్స్ ని ప‌రిశీలిస్తోందని తెలుస్తోంది. అయితే ఈ సినిమాకి `నాని గ్యాంగ్ లీడ‌ర్` అనే టైటిల్ నిర్ణ‌యించార‌ని ఇదివ‌ర‌కూ ప్ర‌చారం సాగినా .. ఆ టైటిల్ కంటే మ‌రో సూట‌బుల్ టైటిల్ ని ఎంపిక చేస్తే బావుంటుంద‌నే ఆలోచ‌న విక్ర‌మ్ కె చేస్తున్నార‌ని తెలుస్తోంది. ఈ మూవీ క‌థాంశం ఇంట్రెస్టింగ్. న‌లుగురు లేడీ గ్యాంగ్ తో క‌లిసి నాని చేసే ర‌చ్చ ఏమిటి? అన్న‌ది తెర‌పై ఆద్యంతం వినోదాత్మ‌కంగా సాగ‌నుంద‌ని తెలుస్తోంది.

మ‌రోవైపు మాణిక్యం మూవీస్ `గ్యాంగ్ లీడ‌ర్` షూటింగును పూర్తి చేసి మెగాస్టార్ చిరంజీవి పుట్టిన రోజు కానుక గా ఆగస్ట్ 22న రిలీజ్ చేసేందుకు ప్లాన్ చేస్తోంది. దేశానికి వెన్నుముక అయిన రైతు ఎదుర్కొంటున్న సమస్యల‌పై ఈ సినిమాని తెర‌కెక్కిస్తున్నారు. నాని సినిమా కంటే ఈ సినిమాని ముందే రిలీజ్ చేసేందుకు సిద్ధం చేస్తుండ‌డం ఆస‌క్తిని రేకెత్తిస్తోంది.