పిచ్చ క్లాస్ దర్శకుడితో ఎన్టీఆర్

గత రెండేళ్లుగా ఎన్టీఆర్ కు భలే కలిసొస్తోంది. కథలు.. దర్శకుల ఎంపికలో చాలా వ్యూహాత్మకంగా అడుగులేస్తున్నాడతను. వరుసగా మాస్ మసాలా సినిమాలు చేసి విసిగెత్తించేసిన ఎన్టీఆర్ ‘టెంపర్’ దగ్గర్నుంచి రూటు మార్చాడు. తర్వాత ‘నాన్నకు ప్రేమతో’ లాంటి పూర్తి భిన్నమైన సినిమా చేశాడు. ఆపై ‘జనతా గ్యారేజ్’తో కొంచెం బ్యాలెన్స్ పాటించాడు. ఇప్పుడు బాబీ దర్శకత్వంలో మాస్ మసాలా ఎంటర్టైనర్ చేయడానికి రెడీ అవుతున్నాడు. దీని తర్వాత త్రివిక్రమ్ శ్రీనివాస్ దర్శకత్వంలో అతడి స్టయిల్లో ఓ ఫ్యామిలీ ఎంటర్టైనర్ చేయబోతున్నాడు. ఈ సినిమా తర్వాత ఎన్టీఆర్ మరో ఆసక్టికర ప్రాజెక్టుకు రంగం సిద్ధం చేస్తున్నట్లు సమాచారం.

ఇష్క్.. మనం.. 24 లాంటి సినిమాలతో తెలుగు ప్రేక్షకుల్లో మంచి గుర్తింపు సంపాదించిన క్లాస్ డైరెక్టర్ విక్రమ్ కుమార్ దర్శకత్వంలో ఎన్టీఆర్ ఓ సినిమా చేయనున్నట్లు సమాచారం. ‘24’ తర్వాత మహేష్ బాబు.. అల్లు అర్జున్ లాంటి స్టార్లతో సినిమా కోసం ప్రయత్నించాడు విక్రమ్. ఐతే వాళ్లు వేరే కమిట్మెంట్లతో ఉండటంతో అఖిల్ సినిమా సెట్ చేసుకున్నాడు. ఈ మధ్య అనుకోకుండా ఎన్టీఆర్ నుంచి కబురందుకుని.. అతడితో చర్చలు జరిపాడట విక్రమ్. ఇద్దరూ కలిసి సినిమా చేయడానికి అంగీకారం కుదిరిందట. 2018లో ఈ సినిమా సెట్స్ మీదికి వెళ్లే అవకాశాలున్నాయి. ఒక సినిమాకు ఇంకో సినిమాకు విక్రమ్ గ్యాప్ పాటిస్తాడు. స్క్రిప్టు విషయంలో టైం తీసుకుంటాడు. అఖిల్ సినిమా ఈ ఏడాది ద్వితీయార్ధంలో పూర్తవుతుంది. ఆ సమయానికి ఎన్టీఆర్.. త్రివిక్రమ్ సినిమాను మొదలుపెడతాడు. అది పూర్తయ్యే సమయానికి విక్రమ్ స్క్రిప్టుతో రెడీగా ఉంటాడు.

Like Us on Facebook : https://www.facebook.com/Tupakidotcom/