కే.ఎల్ రాహుల్ కి అమ్మ‌డు క్లీన్ బౌల్డ్

టీమిండియా ఆట‌గాడు కె.ఎల్.రాహుల్ ప్రేమ వ్య‌వ‌హారాలు ప్ర‌స్తుతం హాట్ టాపిక్ గా మారాయి. బాలీవుడ్ అందాల క‌థానాయిక‌ల‌తో ఇత‌గాడు ల‌వ్వాట ఆడ‌డంపైనా యూత్ అదే ప‌నిగా ముచ్చ‌టించుకుంటున్నారు. ఓ టీవీ చానెల్ లైవ్ సాక్షిగా అతడి ప్రేమ‌క‌థ‌లు లీక‌యిన సంగ‌తి తెలిసిందే  క‌థానాయిక‌లు నిధి అగర్వాల్- సోనాల్ చౌహాన్ లతో డేటింగ్ చేస్తున్నాడని ప్ర‌చార‌మైంది. గ‌త ఫిబ్ర‌వ‌రి నుంచి అత‌డి ప్రియురాళ్ల జాబితాలో కొత్త పేరు వినిపిస్తోంది. బాలీవుడ్ హీరో సునీల్ శెట్టి కుమార్తె .. యువ‌క‌థానాయిక‌ అతియా శెట్టితో డేటింగ్ లో ఉన్నాడంటూ వార్తలు గుప్పుమన్నాయి. ప‌లు మార్లు ఈ ఇద్ద‌రూ జంట‌గా ఉన్న ఫోటోలు సామాజిక మాధ్య‌మాల్లో వైర‌ల్ అవ్వ‌డంతో అది కాస్తా హాట్ టాపిక్ గా మారింది.

ఒక‌సారి సెల‌బ్రిటీ కిడ్స్ బాండింగ్ ఎలాంటిది అన్న‌ది ప‌రిశీలిస్తే.. నిధి అగ‌ర్వాల్ - సోనాల్ చౌహాన్- అతియా శెట్టి - మోడ‌ల్ అకాంక్ష రంజ‌న్ క‌పూర్ వీళ్లంతా చాలా క్లోజ్ ఫ్రెండ్స్. అయితే వీళ్ల‌లో అతియా- అకాంక్ష‌ల‌తో కె.ఎల్.రాహుల్ ఫోటో ఒక‌టి జోరుగా వైర‌ల్ అయ్యింది. అప్ప‌టి నుంచి అతియాతో కేఎల్ చ‌నువుగా ఉండ‌డంపైనా ఆస‌క్తిక‌ర చ‌ర్చ సాగుతోంది. తాజాగా అతియా శెట్టితో నిర్మాత విక్ర‌మ్ ఫ‌డ్నిస్ సోష‌ల్ మీడియాలో చేసిన స‌ర‌దా సంభాష‌ణ‌లు మ‌రోసారి ఎఫైర్ మ్యాట‌ర్‌ ని బ‌య‌ట‌పెట్టింది.

తాజాగా ఇన్ స్టాగ్ర‌మ్ లో ``ట్ర‌స్ట్ ది టైమింగ్ ఆఫ్ యువ‌ర్ లైఫ్..`` అంటూ ఎగ్జ‌యిట్ అవ్వ‌డంతో దానికి నిర్మాత విక్ర‌మ్ రిప్ల‌య్ ఇచ్చారు. ``ఈ మ‌ధ్య మ‌రీ ఎక్కువ ఉల్లాసంగా ఉద్వేగంగా ఉన్నావ్ ఏమిటో.. లెట్స్ గో టు కేఎల్‌???  కౌలాలంపూర్????``  అంటూ విక్ర‌మ్ వ్యాఖ్యానించ‌డం.. అటుపైనా ``అవును అతడిని బ్లాక్ చేసే టైమ్ వ‌చ్చింది`` అంటూ ఆతియా సంభాష‌ణ‌ను కొన‌సాగించ‌డం ఆస‌క్తి క‌లిగించింది. ``ఇలా అయితే అంపైర్ కి ఫిర్యాదు చేస్తాను...కేఎల్ వికెట్ ప‌డితే..`` అంటూ అత‌డు చేసిన స‌ర‌దా సంభాష‌ణ సోష‌ల్ మీడియాలో వైర‌ల్ గా మారింది. కేఎల్ తో ఆతియా డీప్ ల‌వ్ లో ఉంద‌ని దీంతో క‌న్ఫామ్ అయిన‌ట్టేనంటూ యూత్ ముచ్చ‌ట్లాడుకుంటోందిప్పుడు.