సాయి పల్లవిపై అలా కామెంటేశాడేంటి?

ఆమె సినిమాలో నటిస్తే చాలు బాక్స్ ఆఫీస్ హిట్ పడాల్సిందే. సినిమాలో హీరో ఎవరైనా సరే ఆమె నటనతో ప్రేక్షకులను మళ్లీ మళ్లీ థియేటర్స్ కి రప్పించడంలో ఆమెకు ఆమె సాటి. ఆమె ఎవరో ఇప్పటికే ఓ క్లారిటీ వచ్చేసి ఉంటుంది. ఫిదా సినిమాతో తెలుగు తెరపై మొదటి అడుగులోనే బాక్స్ ఆఫీస్ హిట్ అందుకున్న సాయి పల్లవికి ఫ్యాన్ ఫాలోయింగ్ పెరుగుతోన్న సంగతి తెలిసిందే. అయితే ఇలాంటి కామెంట్స్ మొన్నటి వరకు బాగానే వినిపించాయి.

కానీ ఈ మధ్య కొంత మంది సినీ ప్రముఖులు సాయి పల్లవిపై చేస్తోన్న కామెంట్స్ హాట్ టాపిక్స్ అవుతున్నాయి. ఆమెకు చాలా మందితో వివాదాలు ఉన్నాయని నాగ శౌర్య ఓ ఇంటర్వ్యూలో చెప్పిన సంగతి తెలిసిందే. ఇక రీసెంట్ గా చియాన్ విక్రమ్ ఆమెపై ఎవరు ఊహించని విధంగా డిఫెరెంట్ గా స్పందించటం సౌత్ జనాల్లో కొత్త అనుమానాలను రేపుతోంది. మొదట విక్రమ్ నటించిన స్కెచ్ సినిమాలో సాయి పల్లవినే హీరోయిన్ గా అనుకున్నారు. కానీ ఏమైందో ఏమో గాని ఆమె ప్లేస్ లో తమన్నని తీసుకున్నారు. సంక్రాంతికి రిలీజ్ అయిన ఆ సినిమా కోలీవుడ్ లో మంచి వసూళ్లను రాబట్టింది. త్వరలో తెలుగులో కూడా రాబోతోంది.

అయితే తెలుగు స్కెచ్ ప్రమోషన్స్ లో భాగంగా విక్రమ్ హీరోయిన్ రీప్లేస్ ఎందుకు అయ్యిందన్న ప్రశ్నకు తనదైన శైలిలో సమాధానం ఇచ్చారు. సాయి పల్లవి కంటే తమన్నా ఈ పాత్రకీ బెస్ట్ అనిపించిందని చెబుతూ.. ఆమె బ్రాహ్మణ అమ్మాయి క్యారెక్టర్ బాగా చేసిందని చెప్పారు. కానీ సాయి పల్లవి గురించి మాత్రం ఎక్కువగా చెప్పలేదు. దీంతో కొన్ని మీడియాల్లో పలు రకాల ఊహాగానాలు వ్యక్తమవుతున్నాయి. మరి సాయి పల్లవి అదృష్టం ఎలా మారిందో ఏమో గాని అవకాశాల కంటే నెగిటివ్ కామెంట్స్ ని అమ్మడు ఎక్కువగా అందుకుంటోంది.