హైద్రాబాద్ లో అఖిల్ దర్శకుడి సందడి

ప్రస్తుత తరం దర్శకుల్లో విక్రమ్ కె కుమార్ ది ప్రత్యేక శైలి. తీసినవి తక్కువ సినిమాలే అయినా.. వేటికవే డిఫరెంట్ గా తీస్తూ.. దూసుకుపోతున్నాడు. మనం.. 24 చిత్రాలతో తన ట్యాలెంట్ ని చాటి చెప్పిన ఈ దర్శకుడు.. ఇప్పుడు తన కొత్త ప్రాజెక్టును అఖిల్ తో ప్రారంభించనున్న సంగతి తెలిసిందే.

తాజాగా ఈ దర్శకుడు హైద్రాబాద్ లో కనిపించాడు. మల్టీప్లెక్స్ ప్రసాద్స్ సమీపంలో విక్రమ్ కె కుమార్ కెమేరాలకు చిక్కాడు. ఇంతకీ ఇతనెందుకు హైద్రాబాద్ వచ్చాడనే డౌట్ సహంగా కలగచ్చు కానీ.. అక్కినేని అఖిల్ రెండో చిత్రానికి సంబంధించిన డీటైల్స్ తెలిసిన వాళ్లకు విషయం అర్ధమయిపోతుంది. సంక్రాంతి పండుగ సందర్భంగా ఈ శనివారం నాడు.. అంటే జనవరి 14న అఖిల్ సెకండ్ మూవీ లాంఛ్ జరగనున్న ఇప్పటికే చెప్పేసింది అక్కినేని అండ్ టీం.

అఖిల్ రెండో సినిమాను డైరెక్ట్ చేయనున్న విక్రమ్.. మూడు రోజుల ముందే హైద్రాబాద్ లో తేలాడు. అటు తన సినిమా ప్రారంభానికి సంబంధించిన ఏర్పాట్లను చేసుకుంటూనే.. తెలుగులో లేటెస్ట్ గా సంక్రాంతికి రిలీజ్ అయిన చిరంజీవి.. బాలకృష్ణల మూవీలను కూడా చూసేశాడట ఈ దర్శకుడు. మొత్తానికి అఖిల్ రీలాంఛింగ్ కి సంబంధించిన పనులు ఎంతలా చక్కబెట్టేస్తున్నారో చెప్పడానికి విక్రమ్ కె కుమార్.. హైద్రాబాద్ లో దిగడం మచ్చుకు ఓ ఎగ్జాంపుల్ మాత్రమే.

Like Us on Facebook : https://www.facebook.com/Tupakidotcom/