కొడుక్కి పోటీ వచ్చేస్తున్నాడుగా

ఫిలిం ఇండస్ట్రీలో తండ్రీ కొడుకులు ఇద్దరూ హీరోలుగా కంటిన్యూ అవడం అనే సందర్భాలు కనిపిస్తూనే ఉంటాయి. మన దేశంలో పలు భాషల్లో ఇలాంటి ఉదంతాలు ఉన్నాయి కానీ.. టాలీవుడ్ నవ మన్మథుడు నాగార్జున లెక్క వేరు. కొడుకులు నాగచైతన్య.. అఖిల్ ఇద్దరూ హీరోలుగా దూసుకుపోతున్నా.. నాగార్జున ఇప్పటికీ చెదరని అందంతో మెరిసిపోతూ ఉంటారు.

కుమారులతో కలిసి ఫోటోలు దిగినపుడు.. నాగ్ ని వారి తండ్రి అంటే నమ్మబుద్ధేయదు. అంత యంగ్ గా కనిపిస్తారు నాగార్జున. కోలీవుడ్ లో కూడా ఇలాంటి హీరో ఉన్నాడు. చియాన్ అంటూ అభిమానులు ముద్దుగా పిలుచుకునే విక్రమ్ కు.. ప్రస్తుతం 51సంవత్సరాల వయసు. అయినా సరే.. ఎప్పటికప్పుడు తనను తాను పాత్రకు తగ్గట్లుగా మార్చుకుంటూ యంగ్ లుక్స్ తో ఇరగదీస్తుంటాడు. తాజాగా కొడుకు ధృవ్ తో కలిసి విక్రమ్ దిగిన ఫోటో ఒకటి సోషల్ మీడియాలో తెగ చక్కర్లు కొడుతోంది.

తండ్రీ కొడుకులు ఇద్దరూ సూపర్బ్ లుక్స్ తో ఇరగదీస్తే.. కొడుకు సమానంగా యంగ్ లుక్స్ చూపిస్తున్నాడు విక్రమ్. ధృవ్ కి కూడా సినిమాలపై మాంచి ఇంట్రెస్ట్. ఇప్పటికే యాక్టింగ్.. డైరెక్షన్ కోర్సుల్లో ట్రైనప్ అవుతున్నాడు. ధృవ్ ను హీరోగా పరిచయం చేసేందుకు పలువురు దర్శక నిర్మాతలు ఉత్సాహం చూపుతుండగా.. శంకర్ దర్శకత్వంలో లాంఛ్ అవుతాడనే టాక్ గట్టిగా వినిపిస్తోంది.

Like Us on Facebook : https://www.facebook.com/Tupakidotcom/