రాజశేఖర్ విలనీ ఇంకా ఓకే కాలేదు

కొన్నాళ్ల వరకు హీరోలుగా మెప్పించిన కొంత మంది హీరోలు ప్రత్యేక పాత్రలో ప్రస్తుతం అలరిస్తోన్న సంగతి తెలిసిందే. అయితే ప్రత్యేక పాత్రల కంటే విలన్ క్యారెక్టర్స్ కే మన తారలు ఎక్కువగా ఇంపార్టెన్స్ ఇస్తున్నారు. ఈ రోజుల్లో హీరోలకు ఏ స్థాయిలో స్టార్డమ్ వస్తుందో విలన్లకు కూడా అదే స్థాయిలో ఆదరణ దక్కుతోంది. ఒక్క సినిమా క్లిక్ అయితే చాలా అవకశాలు భారీ స్థాయిలో వస్తున్నాయి. ఇప్పటికే జగపతిబాబు తన విలనిజాన్ని చూపిస్తోన్న సంగతి తెలిసిందే.

అయితే అదే తరహాలో మరో సీనియర్ హీరో కూడా రెడీ అయ్యాడు అని గత కొంత కాలంగా వార్తలు వినిపిస్తున్నాయి. అది కూడా బాలయ్య సినిమాలోనే అని తెలుస్తోంది. రీసెంట్ గా గారుడవేగ సినిమాతో భారీ విజయాన్ని అందుకున్న రాజశేఖర్ నందమూరి బాలకృష్ణ 103వ సినిమాలో ప్రతి నాయకుడి పాత్ర పోషించడానికి రెడీ అయ్యాడని టాక్. రాజశేఖర్ కూడా గారుడవేగ సినిమా ఆడియో వేడుకలో ఇక నుంచి స్పెషల్ క్యారెక్టర్స్ అలాగే విలన్స్ రోల్స్ కూడా చేయడానికి రెడీ అన్నట్లు చెప్పాడు. ఆ వేడుకకి బాలయ్య స్పెషల్ గెస్ట్ గా వచ్చిన సంగతి తెలిసిందే. అయితే జగపతిబాబు కి లెజెండ్ సినిమా ద్వారా సెకండ్ ఇన్నింగ్స్ కి బూస్ట్ ఇచ్చినట్టుగా రాజశేఖర్ కి కూడా ఒక పవర్ఫుల్ బూస్ట్ ని ఇవ్వాలని బాలయ్య అనుకుంటున్నాడట. బాలయ్య 103వ సినిమాలో రాజేశేఖర్ విలన్ గా కనిపించనున్నాడని రూమర్లు వచ్చాయి. ఇది నిజమేనా?

అసలు వివరాల్లోకి వెళితే.. అందులో నిజం లేదని తెలిసింది. ప్రస్తుతం బాలయ్య తన చూపు మొత్తం జై సింహపైనే పెట్టాడు. ఆ సినిమా రిలీజ్ వరకు ఏ సినిమాను ఒకే చేసే ఛాన్స్ లేదు. దీంతో ఇంకా ఫైనల్ చేయలేని స్క్రిప్ట్స్ లలో విలన్ క్యారెక్టర్ ఫిక్స్ అయ్యిందని చెప్పడం నిజంగా అబద్ధమే. మరి భవిష్యత్తులో ఈ అబద్ధం నిజం అవుతుందో లెదో చూడాలి.