ట్రైలర్ టాక్: మెగా మాస్ బోయపాటి మసాలా

తెలుగు ప్రేక్షకులందరూ ఎంతో ఆసక్తిగా ఎదురుచూస్తున్న సంక్రాంతి సినిమా.. రామ్ చరణ్ - బోయపాటి శ్రీను కాంబినేషన్ లో తెరకెక్కిన 'వినయ విధేయ రామ' ట్రైలర్ కాసేపటి క్రితం రిలీజ్ అయింది.

ట్రైలర్ మొదట్లోనే చరణ్ రౌడీల దుమ్ము దులుపుతుంటాడు.. కట్ చేస్తే నాలుగైదు ఫ్యామిలీ షాట్స్ చూపించినా ఎక్కువ ఆలస్యం చేయకుండా యాక్షన్ మోడ్ లోకి వెళ్ళిపోయాడు బోయపాటి. అజర్ బైజాన్ లొకేషన్ లో రగ్డ్ లుక్ లో యమా రఫ్ గా ఉన్న చరణ్ "సరైన సింహం తగలనంతవరకూ ప్రతి వేటగాడు మగాడేరా... నాకు నీలా సైన్యం లేదు. ఒంట్లో బెరుకు లేదు.. చావంటే అస్సలు భయం లేదు" అంటూ ఓ చిన్న పాజ్ ఇచ్చి "బై బర్తే డెత్తును గెలిచొచ్చా.. రా" అని ఓ ఊరమాస్ డైలాగ్ చెప్తాడు.

విలన్ వివేక్ ఒబెరాయ్ ఇంట్రో కూడా పవర్ ఫుల్ గా అదే సమయంలో కూల్ గా ఉంది.. "ఈ ప్రాంతంలో ఓటయినా మాటయినా తూటా అయినా.. నాదే" ఈ డైలాగ్ తో తనెంత డేంజరో చెప్పేస్తాడు. లాస్ట్ లో సీన్ లో భారీ యాక్షన్ సీక్వెన్స్ లో చెర్రీ మరో పెద్ద డైలాగ్ చెప్పి "సరైన మగాడు ఒక్కడూ లేడు..అంతా జంక్" అంటూ ఎండ్ చేస్తాడు. నెక్స్ట్ షాట్ లో ఓక ఆఫీస్ లో కుర్చీలో కూర్చుని ఉన్న వ్యక్తిని కాలుతో తన్నడం.. కుర్చీతో పాటు ఆవ్యక్తి ఎగిరి మరీ వెనక్కు జరగడం కూడా ఊరమాసే.

ఓవరాల్ గా ఇది అందరూ ఊహించినట్టే ఇది మాస్ మాసాలా.. కాదు కాదు మెగా మాస్ బోయపాటి మాసాలా. బోయపాటి... చరణ్ లు కొత్తగా ఏమీ చెయ్యలేదు. మాస్.. ఊరమాస్ కు దిగిపోయారు. దేవీ బ్యాక్ గ్రౌండ్ స్కోర్ పవర్ఫుల్ గా ఉంది. చరణ్ సూపర్ కాన్ఫిడెంట్ గా ఉన్నాడు. మాస్ డైలాగ్ లు చెప్పే సమయంలో మెగా స్టార్ గుర్తొస్తున్నాడు. ప్రయోగాలు.. డిఫరెంట్ కాన్సెప్టులు అనే పదాలను అటక మీద పెట్టి ట్రైలర్ చూడండి!