అజ్ఞాతవాసి కోసం విఐపి షోలు

పవర్ స్టార్ పవన్ కళ్యాణ్ సినిమా వస్తుంది అంటే చాలు ఆయన అభిమానులు మొదటి షో చూడాలని చాలా కళలు కంటారు. ఎలాగైనా సరే టికెట్స్ దక్కించుకోవాలని ఆన్ లైన్ లో చాలా స్పీడ్ గా వెతికేస్తు ఉంటారు.ప్రస్తుతం అజ్ఞాతవాసి టికెట్స్ కోసం కూడా పవన్ అభిమానులనే కాకుండా ఫ్యామిలీ ఆడియెన్స్ కూడా సినిమా చూడాలని అనుకుంటున్నారు. టికెట్స్ బుక్ చేసుకోవడానికి అన్ని సైట్లను తెగ వాడేస్తున్నారు.

కానీ చాలా వరకు కొన్ని సెంటర్లలో టికెట్స్ ఇప్పటికే ఫుల్ అయిపోయాయి. టికెట్స్ బుకింగ్ కోసమని ఆన్లైన్ లో వెతికితే సోల్డ్ అవుట్ బోర్డులు కనిపిస్తున్నాయి. దాదాపు మొదటి మూడు రోజులు టికెట్స్ దొరకడం కష్టం అనుకుంటున్నా తరుణంలో కొన్ని సాఫ్ట్ వేర్ కంపినీలు స్టాఫ్ కోసం ఏకంగా సినిమా థియేటర్స్ తో డీలింగ్ సెట్ చేసుకొని మొత్త టికెట్స్ ని కొనేసుకున్నారట. హైదరాబాద్ లోని కొన్ని మల్టిప్లెక్స్ లలో ఒక సపరేట్ స్క్రీన్ ని స్పెషల్ విఐపిలు బుక్ చేసుకున్నారని తెలుస్తోంది.

త్రివిక్రమ్ - పవన్ కళ్యాణ్ కాంబినేషన్ అంటే ఎలా ఉంటుందో ప్రత్యేకంగా చెప్పనక్కర్లేదు. ఇప్పుడు అజ్ఞాతవాసి అందుకు ఉదాహరణగా నిలుస్తోంది. కేవలం ఇండియాలోనే అనుకుంటే పొరపాటే. అమెరికాలో కూడా సినిమాను స్పెషల్ గా చూడాలని కొన్ని క్యాష్ పార్టీ ఫ్యామిలిలు కాంబో రేట్ కింద ప్రీమియర్స్ షోలను వేయించుకున్నారని టాక్. మరి ఈ లెక్కన చూస్తే పవన్ సినిమా స్థాయి ఏ రేంజ్ లో ఉందొ అర్డం చేసుకోవచ్చు.