వైరల్: మహర్షి ఆడియో పై సెటైర్

సూపర్ స్టార్ మహేష్ బాబు సినిమా అంటేనే అంచనాలు భారీగా ఉంటాయి. వాటిని స్వయంగా మహేష్ కూడా తగ్గించలేడు. వీలైనంతవరకూ ఆ అంచనాలను అందుకోవడానికి ప్రయత్నిస్తాడు. అయితే అన్ని సార్లు అలా అంచనాలను అందుకోవడం వీలు కాదు. మహేష్ తాజాచిత్రం 'మహర్షి' మే 9 న రిలీజ్ కానుంది. అయితే ఈ సినిమాపై ఉన్న అంచనాలను వీలైనంతగా తగ్గించి ప్రేక్షకులను నేల మీదకు తీసుకురావడంలో 'మహర్షి' ఆడియో సక్సెస్ అయింది.

'ఆడియో సక్సెస్ అయింది' అని మన తెలుగులో ఉండే కొన్ని ఛానల్స్ లాగా విపరీతార్థం తీయకుండా సరిగా చదవండి. 25 వ సినిమాపై అంచనాలను తగ్గించడంలో మాత్రం ఆడియో సక్సెస్ అయింది. రాక్ స్టార్ దేవీ శ్రీ ప్రసాద్ నుంచి ఇలాంటి యావరేజ్ ఆల్బమ్ ను.. డల్ గా ఉండే ఆల్బం ను ఎవరూ ఊహించలేదు.. అది కూడా మహేష్ ల్యాండ్ మార్క్ సినిమాకు. దీంతో కామన్ ఆడియన్సే కాదు ఫ్యాన్స్ కూడా నిరాశకు గురయ్యారు. ఇక ఇలాంటివి జరిగినప్పుడు ట్రోల్ చేసేవారు ఊరుకుంటారా? రీసెంట్ గా ఒక నెటిజనుడు మహర్షి ఆల్బం పై ఒక ఫన్నీ వీడియో తయారు చేసి ఆన్ లైన్ లో పోస్ట్ చేయడంతో అది కాస్తా వైరల్ అయింది.

వీడియోలో రామిరెడ్డి ఒక టేప్ రికార్డర్ తీసుకొచ్చి కోట శ్రీనివాసరావు ముందు పెడతాడు. అందులో 'మహర్షి' ఆల్బం ప్లే అవుతుంది. ఆ అపభ్రంశపు సంగీతం వినలేక పిచ్చికోపంతో కోట ఆ టేప్ రికార్డను నేలకేసి కొడతాడు.. అప్పుడు స్టార్ట్ అవుతుంది 'ఛోటి ఛోటి బాతే' అంటూ మహర్షి ఆల్బం లో మిగిలిన పాట. దాంతో మరింతగా కోపం వచ్చి ఆ టేప్ రికార్డర్ ను కోట కాలితో కసాబిసా తొక్కుతాడు. ఇక్కడ సీన్ లో రామి రెడ్డి దేవీ శ్రీ ప్రసాద్ అని.. మహేష్ ఫ్యాన్స్ కోట అని మనం అర్థం చేసుకోవాలి.. తప్పదు. క్వాలిటీలో తేడా వస్తే అలానే ఉంటుంది మరి!

వీడియో కోసం క్లిక్ చేయండి