ఫోటో స్టొరీ: వాట్ ఎ డే అంటున్న విరాట్ కోహ్లి

ఈమధ్యే ఇండియన్ క్రికెట్ టీమ్ కు మరో సీరీస్ విజయాన్ని అందించిన కెప్టెన్ విరాట్ కొహ్లి శనివారం నాడు మెల్బోర్న్ పార్క్ లో టెన్నిస్ లెజెండ్ రోజర్ ఫెదరర్ ను కలిశాడు. ప్రస్తుతం ఆస్ట్రేలియాలో ఆస్ట్రేలియన్ ఓపెన్ టెన్నిస్ టోర్నీ జరుగుతున్న విషయం తెలిసిందే. ఈ టోర్నీ లో నోవాక్ జొకోవిచ్ ఆడే మ్యాచ్ ను తిలకించేందుకు భార్య అనుష్క శర్మతో కలిసి వెళ్ళాడు.

అక్కడ అనుష్క ను రోజర్ ఫెదరర్ కు పరిచయం చేయడమే కాకుండా ఇద్దరు కలిసి ఫెదరర్ తో ఫోటోకు పోజిచ్చారు. ఆ ఫోటోనో తన ఇన్స్టాగ్రామ్ ఖాతా ద్వారా ఫ్యాన్స్ తో పంచుకున్నాడు. ఈ ఫోటోకు "ఆస్ట్రేలియన్ ఓపెన్లో ఇది అద్భుతమైన రోజు. ఆస్ట్రేలియన్ సమ్మర్ ను సూపర్ గా ఫినిష్ చేశారు. ఫరెవర్ గ్రేట్ ఫుల్" అంటూ క్యాప్షన్ ఇచ్చాడు. విరాట్ కోహ్లి ఫోటోకు గంటలోనే దాదాపు వన్ మిలియన్ లైక్స్ రావడం విశేషం.

మరోవైపు అనుష్క కూడా తన ఇన్స్టాగ్రామ్ ఖాతా ద్వారా మరో ఫోటో షేర్ చేసింది. ఈ ఫోటోలో అనుష్క - విరాట్ లు టెన్నిస్ స్టేడియం లో ఉన్నారు. బ్యాక్ గ్రౌండ్ లో మ్యాచ్ జరుగుతూ ఉంటే విరుష్క జంట ఫోటోకు పోజిచ్చింది. ఈ ఫోటోకు "ఇదో అందమైన రోజు.. అందమైన అబ్బాయితో #ఆస్ట్రేలియన్ ఓపెన్" క్యాప్షన్ ఇచ్చింది. ఈ ఫోటోలు పోస్ట్ చేసిన గంటలోనే సోషల్ మీడియాలో వైరల్ అయ్యాయి.