కోహ్లీ - ధావన్ భాంగ్రా డాన్స్

అసలే టీం ఇండియాల వరస విజయాలతో ఊపు మీద ఉంది. కెప్టెన్ గా కోహ్లీ ఉన్నా రోహిత్ శర్మా ఉన్నా రిజల్ట్ లో తేడా ఉండటం లేదు. ఇయర్ ఎండింగ్ శ్రీలంకపై విక్టరీతో గ్రాండ్ గా ముగించిన ఇండియన్ టీం రెట్టించిన ఉత్సాహంతో సౌత్ ఆఫ్రికా టూర్ కు బయలుదేరింది. కోహ్లీ కొత్త పెళ్లి కొడుకుగా సతీ సమేతంగా రావడం మెంబెర్స్ కి కొత్త ఉత్సాహాన్ని ఇస్తోంది. జనవరి 5 నుంచి మొదటి టెస్ట్ ప్రారంభం కానున్న నేపధ్యంలో ఫ్రీ టైంని సరదాగా ఎంజాయ్ చేద్దామని విరాట్ కోహ్లీ, శిఖర్ ధావన్ కేప్ టౌన్ లో ఉన్న విఅండ్ఎ వాటర్ ఫ్రంట్ కు ఫ్యామిలీతో సహా చేరుకున్నారు. మ్యూజిక్ బ్యాండ్ లకు సుప్రసిద్ధమైన సౌత్ ఆఫ్రికాలో ఒక ట్రూప్ లోకల్ మ్యూజిక్ వాయిస్తుండగా విరాట్, శిఖర్ ఇద్దరికీ మనసు ఆగలేదు. ఇంకేముంది కాలు కాలు కదుపుతూ స్టెప్స్ వేయడం మొదలుపెట్టారు. అనుకోకుండా వచ్చిన సందర్భమే అయినా మ్యూజిక్ వింటూ భాంగ్రా స్టెప్స్ వేయటం స్టార్ట్ చేసారు.

దీంతో అక్కడున్న వారు ఫుల్ గా ఎంజాయ్ చేయటం మొదలు పెట్టారు. బ్లాక్ టీ షర్ట్స్ తో ట్రాక్ సూట్స్ లో ఉన్న వీళ్ళిద్దరూ డాన్స్ చేస్తుంటే చుట్టూ ఉన్నవారందరూ ఫోటోలు వీడియోలు తీస్తూ ఆ మెమరీని భద్రపరుచుకున్నారు. సౌత్ ఆఫ్రికా టూర్ లో అతి పెద్ద ఛాలెంజ్ ని ఇండియన్ టీం ఫేస్ చేయబోతోంది. విదేశీ గడ్డపై ట్రాక్ రికార్డు చాలా వీక్ గా ఉండటంతో దీన్ని మార్చి కొత్త ట్రెండ్ మొదలు పెట్టాలనే కృతనిశ్చయంతో ఉన్నాడు కోహ్లీ. పెళ్ళైన తర్వాత పాల్గొంటున్న ఫస్ట్ సిరీస్ కాబట్టి అనుష్క శర్మకు గెలుపును కానుకగా ఇవ్వమని, రోహిత్ శర్మను ఉదాహరణగా చూపుతున్నారు. మొత్తానికి మూడు రోజుల ముందే సౌత్ ఆఫ్రికాలో మన వాళ్ళ హడావిడి షురు అయిపోయింది.