విరాట్ అనుష్క చిందులే చిందులు

సెలబ్రెటీల పెళ్లి వేడుకలు జరిగితే సెలబ్రేషన్స్ ఓ నాలుగైదు రోజుల వరకు అస్సలు ఆగవు. ఈ మధ్య కాలంలో ఇండియన్ సెలబ్రెటీల వివాహాలు కాస్త ఎక్కువగానే జరుగుతున్నాయి. ఇకపోతే రీసెంట్ గా భారత క్రికెట్ జట్టు సీనియర్ ప్లేయర్ గా ఎంతో గుర్తింపు తెచ్చుకున్న జహీర్ ఖాన్ ఫైనల్ గా ఓ ఇంటివాడయ్యాడు.  పెళ్లి సింపుల్ గా చేసుకొని రిసెప్షెన్ కి క్రికెట్ ప్రముఖులను పిలిచి పార్టీ ఇచ్చాడు.

అయితే రిసెప్షెన్ వేడుకలో ఎక్కువగా విరాట్ కోహ్లీ - అనుష్క శర్మ జంట సందడి చేసింది. సాధారణంగా ఎక్కడికి వెళ్లినా ఈ లవ్ జంట పార్టీకి మంచి ఊపును తెస్తారు అదే తరహాలో జహీర్ - సాగరిక రిసెప్షెన్ లో అదిరే స్టెప్పులు వేసి అందరిని ఆకర్షించారు. వారి స్టెప్పులను చూసి పార్టీలో ఉన్నవారు అందరు స్మైల్ తో క్లాప్స్ కొట్టారు. సైలెంట్ గా ఉండే ఆశిష్ నెహ్రా కూడా తన స్టైల్ లో స్టెప్పులు వేశారు.

ఇక వేడుకకి ప్రముఖ మాజీ క్రికెట్ ప్లేయర్స్ కూడా వచ్చారు. సచిన్ టెండూల్కర్ - వీరేంద్ర సెహ్వాగ్ - యువరాజ్ సింగ్ - రాహుల్ ద్రావిడ్ - హర్భజన్ సింగ్ తో పాటు అజిత్ అగార్కర్ కూడా వచ్చాడు. టెన్నిస్ ప్లేయర్ సానియా మీర్జా కూడా స్పెషల్ గెస్ట్ గా హాజరైంది.