ఆ సమయంలో విరాట్ సాధారణ అభిమాని అయిపోయాడు!

ఐపీఎల్ 8 ప్రారంభ వేడుకలు అంగరంగ వైభవంగా జరిగాయి. అందరూ బాగా ఎంజాయ్ చేశారు. అన్ని జట్ల కెప్టెన్లతో రవిశాస్త్రి ప్రతిజ్ఞ చేయించారు. బాలీవుడ్ తారలు వారి వారి డాన్సులతో వేడుకకు రంగులు అద్దారు. ఈ విషయాలన్నీ కాసేపు పక్కన పెడితే... ఈ వేడుకల్లో అనుష్క ఫెర్మార్మెన్స్ పై అటు ప్రేక్షకులు, ఇటు పెద్దలూ కూడా చాలా అభినందనలు కురిపించారు. ప్రేక్షకుల ఆనందానికి అయితే అవదులే లేవు కానీ... అదే సమయంలో మరో క్రికెటర్ కూడా సాదారణ అభిమానిలాగానే, సామాన్య ప్రేక్షకుడిలాగానే తెగ మురిసిపోయాడు. అతనెవరో ఇప్పటికే మీకు అర్థం అయ్యి ఉంటుంది. ప్రారంభం సందర్భంగా అభిమానులతోపాటు సామాన్య అభిమానిలా తెగ మురిసిపోయిన క్రికెటర్... విరాట్ కొహ్లీ!
ధగధగా మెరుస్తున్న విద్యుత్ దీప కాంతుల మధ్య, బాణాసంచా వెలుగుల మధ్య అనుష్కా శర్మ అదిరిపోయే స్టెప్పులకు, "స్టార్" క్రికెటర్ విరాట్ మురిసిపోయాడు. ప్రారంభంలో మీడియా ఒక కంట కనిపెడుతుంది అనే భయంలో ఉన్న విరాట్.. తర్వాత ఇంక ఆపుకోలేక ఆనందంతో గాల్లో తేలిపోతున్నట్లు కనిపించాడు. కెమేరాల కంటికి కనిపించకుండా చేతులు అడ్డుపెట్టుకుని ముసి ముసిగా నవ్వుతూ మురిసిపోయాడు. పక్కనున్నప్పుడు ప్రేయసి కానీ... ఆమె స్టేజ్ పై ఉండి, మనోడు ప్రేక్షకుడు అయినప్పుడు మాత్రం... విరాట్ కి కూడా అనుష్క ఒక బాలీవుడ్ భామే కదా!