అనుష్క మతిపోగొట్టిందట

ప్రేయసి అనుష్కశర్మ చేసిన సినిమా పిచ్చపిచ్చగా నచ్చేసిందంటున్నాడు క్రికెటర్‌ విరాట్‌ కోహ్లి. ఇటీవల ఆస్ట్రేలియాలో అనుష్క నటించిన 'ఎన్‌ హెచ్‌ 10' చిత్రాన్ని చూసి వెంటనే ట్వీట్‌ చేశారు. 'నా అనుష్క సినిమాలో ఎంత అందంగా కనిపించిందో మాటల్లో చెప్పలేను. అద్భుతమైన సినిమా' అని వ్యాఖ్యానించాడు. అసలే యూత్‌లో పిచ్చ క్రేజ్‌ని సంపాదించుకొన్న కోహ్లి అలా ట్వీట్‌ చేశాడంటే సినిమాకి ఎంత ప్రచారం లభిస్తుందో ఊహించొచ్చు. అనుష్క సొంతంగా నిర్మించిన ఆ సినిమా అంత గొప్పగా ఏమీ లేదని తేల్చేశారు విమర్శకులు. కానీ విరాట్‌ కోహ్లి మాత్రం అద్భుతం అంటున్నాడు. ఎంతైనా ప్రేయసి చేసిన సినిమా కదా? అందుకే ఎవరికి నచ్చినా, నచ్చకపోయినా కోహ్లికి నచ్చుతుంది. అన్నట్టు డేటింగ్‌లో ఉన్న ఈ ప్రేమజంట ఇప్పుడు మీడియాకి వేడి వేడి కబుర్లు అందిస్తోంది. ఆస్ట్రేలియాలో ఉన్న కోహ్లి దగ్గరకి రేపోమాపో వెళ్లబోతోందని సమాచారం.