అండర్‌ కాప్‌ రోల్‌ లో నల్లనయ్య

నల్లనయ్య విశాల్‌ విషయం ఉన్న కాన్సెప్టుల్ని ఎంచుకునే హీరోగా పేరు తెచ్చుకున్నాడు. అతడు ఏ కాన్సెప్టు ఎంచుకున్నా భారీ యాక్షన్‌ తప్పనిసరి. ఇనపరాయి లాంటి ఆ దేహానికి ఆమాత్రం యాక్షన్‌ లేకపోతే సూటవ్వదు కూడా. అంతేనా స్క్రీన్‌ప్లేని గ్రిప్పింగ్‌గా, వెరైటీగా నడిపించే ట్యాలెంటెడ్‌ డైరెక్టర్లని విశాల్‌ ఏరి కోరి ఎంచుకుంటాడు.

ఆ కోవలోనే పాండ్యనాడు ఫేం సుశీంద్రన్‌ (కార్తీ నా పేరు శివ తెరకెక్కించింది ఈయనే) దర్శకత్వంలో పాయుమ్‌ పులి అనే చిత్రం చేస్తున్నాడు. సప్టెంబర్‌ 4న తెలుగు, తమిళ్‌లో రిలీజవుతుంది. ఇప్పటికే ఆన్‌సెట్స్‌ కుస్తీ పట్లు పడుతున్నాడు విశాల్‌.

పాయుమ్‌ పులి ముచ్చట్లు చెబుతూ.. 'సుశీ ట్యాలెంటెడ్‌. పాండ్యనాడు లాంటి బ్లాక్‌బస్టర్‌ హిట్‌ నిచ్చి తమిళ్‌లో నేను కోలుకోవడానికి అవకాశం ఇచ్చింది సుశీనే. అందుకే అతడితో మరో సినిమా చేస్తున్నా. అంతేకాదండోయ్‌ ఈ చిత్ర కథాంశం మధురై నేపథ్యంలో సాగుతుంది. నేను అండర్‌ కాప్‌ పోలీస్‌గా నటిస్తున్నా. చాలా ఇంట్రెస్టింగ్‌ స్క్రీన్‌ప్లే అదిరిపోతుంది'' అంటూ చెప్పుకొచ్చాడు. ఈ చిత్రంలో చందమామ కాజల్‌ అతడి సరసన నాయికగా నటిస్తోంది.

అన్నట్టు అండర్‌ కాప్‌ అంటే మన పోకిరిలాగా, బాద్‌షా లాగా ఉన్నట్టుండి హిట్టు కొట్టేసినా కొట్టేయొచ్చు. పోలీస్‌ కథలు మనకి బాగానే వర్కవుటవుతున్నాయి కాబట్టి నల్లనయ్యకు మరో ఛాన్సుందన్నమాట!