బాహుబలే నీకు ఛాలెంజ్ విశాల్!!

అనూహ్యంగా అత్యంత మెజార్టీతో తమిళ హీరో విశాల్ రెడ్డి ఎలియాస్ విశాల్.. తమిళ ప్రొడ్యూసర్ల సంఘం ఎన్నికల్లో ప్రెసిడెంటుగా గెలిచాశాడు. కలైపులి థాను వంటి దిగ్గజ ప్రొడ్యూసర్లను ఎదిరించి మరీ మనోడు ఈ ఎన్నికల్లో గెలిచాడంటే.. అది మామూలు విషయం కాదు. ఆ తరువాత వెంటనే ఒక ఉద్వేగభరితమైన స్పీచ్ కూడా ఇచ్చాడు.

మొన్నటివరకు హీరో సూర్య సినిమాలకు కూడా.. హెచ్చరికలు జారీ చేసి మరీ తమిళ పైరేట్లు పైరసీ సిడిలను రిలీజ్ చేశారు. మధ్యహ్నం ఆట పడేసరికి సింగం 3 పైరసీ డివిడి బయటుంది అని చెప్పినట్లే.. వారు రిలీజ్ చేశారు. అయితే ఇలాంటి విషయాలపై అసలు నిర్మాతల మండలి సరిగ్గా ఫోకస్ చేయలేదంటూ విశాల్ చేసిన దాడే.. అతణ్ణి గెలిపించింది. అందుకే ఇప్పుడు మనోడు పైరసీ అంతు చూస్తానంటూ స్టేట్ మెంట్ ఇచ్చాడు. ఇక విశాల్ కు తొలిటెస్టుగా వస్తున్న సినిమా ఏదంటే.. ఖచ్చితంగా బాహుబలి 2 అనే చెప్పాలి.

రానున్న రోజుల్లో.. అత్యంత పెద్ద తమిళ సినిమాలేవీ క్రీజులో లేవు కాని.. బాహుబలి 2 సినిమా మాత్రం భారీ ఎత్తునే తమిళంలో కూడా రిలీజవుతోంది. ఈ సినిమాలో ఎక్కువమంది తమిళులు కీలకపాత్రలు పోషించడంతో.. ఖచ్చితంగా అక్కడ క్యూరియాసిటీ ఎక్కువగానే ఉంది. మొదటి భాగం రిలీజ్ అయినప్పుడు కూడా తమిళనాట నుండి తొలి పైరసీ ప్రింట్ బయటకొచ్చింది. ఇప్పుడు పైరసీని పారద్రోలతాను అంటూ ఛాలెంజ్ చేసిన విశాల్.. మరి బాహుబలి 2 విషయంలో తానేంటో చేతల్లో చూపించాల్సిన అవసరం ఉంది. లెటజ్ సీ.

Like Us on Facebook : https://www.facebook.com/Tupakidotcom/