టీజర్ టాక్: మారవా విశాల్??

ఒక్క సినిమా ఏదన్నా హిట్టయ్యిందంటే.. అదే ఫార్మాట్ లో చాలా సినిమాలు వచ్చేస్తుంటాయి. ఇలా తెలుగులోనే ఎక్కువగా జరుగుతుంది అంటూ చాలామంది అనుకుంటూ ఉంటారు. అయితే అలా తమిళంలో కూడా ఈ మధ్య తెగ వస్తున్నాయి. తీసిన కథలపైనే మళ్ళీ మళ్లీ తెగ తీస్తున్నారు. ఈ మధ్యకాలంలో అక్కడ సైబర్ హ్యాకింగ్ అనే కాన్సెప్టు.. అలాగే మిలటరీ వాళ్లు వచ్చి ఇలాంటి వాటిని అరికట్టడం అనే కాన్సెప్టులో చాలా సినిమాలు వచ్చాయి. ఇప్పుడు నేనేం తక్కువ తిన్నానా అంటూ విశాల్ మరోసారి అదే రిపీట్ చేస్తున్నాడు.

'ఇరుంబు తిరయ్' అంటూ ఇప్పుడు ఒక సినిమాతో వస్తున్నాడు విశాల్. మిత్రన్ దర్శకత్వంలో రూపొందిన ఈ సినిమాలో సమంత హీరోయిన్. అయితే ఈ సినిమా కాన్సెప్టు ఏంటనేది టీజర్లోలోనే చూపించేశారు. క్రెడిట్ కార్డులను హ్యాక్ చేసి డబ్బులు చేసుకునే ఒక విలన్ గా అర్జున్.. అతడి ఆట కట్టించే హీరోగా మిలటరీ మేజర్ విశాల్ నటిస్తున్నారు. ఒకటి రెండుసార్లు టీజర్ ను చూస్తే.. ఇది అసలు 'ధృవ' సినిమా టీజరా? 'తుపాకీ' సినిమా టీజరా? 'జవాన్' సినిమా చూస్తున్నామా? మనకే అర్ధంకాదు. అంతేకాదు.. ఈ మధ్యన వచ్చిన చాలా తమిళ తెలుగు సినిమాల్లో ఇదే కాన్సెప్టును తెగ వాడేశారు.

అయినా ఇలా మళ్లీ మళ్ళీ అవే కథలను ఎందుకు ఎంచుకుంటున్నావ్ విశాల్ అంటూ ఈ టీజర్ చూసినోళ్ళు ఎవ్వరైనా స్టన్ అవ్వాల్సిందే. ఈ సినిమాలో తెలుగులో 'అభిమన్యుడు' అంటూ రిలీజ్ అవ్వనున్న సంగతి తెలిసిందే.