నందమూరి వంశంతో విశాల్ పోటీ

సంక్రాంతి అంటే పందెం కోళ్లలా పోటీ పడతారు టాలీవుడ్ స్టార్ హీరోలు. ప్రతీ ఏటా ఓ ఇద్దరి మధ్యనైనా సంక్రాంతి ఫైట్ కంపల్సరీగా ఉంటుంది. ఈ సారి టాలీవుడ్ సంక్రాంతి మరింత రంజుగా మారిపోయింది. ఇప్పటికే జనవరి 14న డిక్టేటర్ వస్తున్నట్లు నందమూరి నటసింహం బాలకృష్ణ చెప్పేశాడు. బాబాయ్ కి పోటీగా ఓ రోజు ముందే వస్తానని జూనియర్ ఎన్టీఆర్ కూడా తేల్చేశాడు. వీళ్లిద్దరికి పోటీగా సోగ్గాడే చిన్ని నాయన చిత్రాన్ని రెడీ చేస్తున్నట్లు నాగార్జున.

ముగ్గురు స్టార్లలో ఎవరు మొనగాడుగా మిగులుతారో అని టాలీవుడ్ అనుకుంటోంది. రెండో సినిమాకే థియేటర్లు సెట్ చేయడం కష్టమైన సమయంలో.. మూడు రెడీ అవుతుండడంతో.. తలలు పట్టుకుంటున్నారు. వీళ్లకి ఇప్పుడు పందెంకోడి హీరో హీరో కోలీవుడ్ స్టార్ విశాల్ కూడా పోటీ వచ్చేస్తున్నాడు. విశాల్ నటించిన లేటెస్ట్ యాక్షన్ ఎంటర్ టెయినర్ కథకళిని.. సంక్రాంతికి రిలీజ్ చేస్తున్నట్లు ప్రకటించారు. తమిళ్ తో పాటే తెలుగులోనూ అదే డేట్ విడుదల అవుతుందని చెప్పేశారు. విశాల్ తనే ఈ చిత్రాన్ని నిర్మిస్తున్నాడు. పాండ్యరాజ్ దర్శకత్వంలో తెరకెక్కిన కథకళిపై.. అక్కడ మంచి అంచనాలే ఉన్నాయి. రీసెంట్ గా నడిగర్ సంఘం ఎన్నికల్లోనూ విశాల్ విజయం సాధించడంతో.. మంచి ఊపు మీదున్నాడు.

చెన్నై వరదల సయమంలోనూ బాగా యాక్టివ్ గా సహాయ కార్యక్రమాల్లో పాల్గొనడంతో మంచి పేరు సంపాదించుకున్నాడు. ఇవన్నీ విశాల్ కథకళికి బాగా హెల్ప్ అవనున్నాయి. మరి టాలీవుడ్ లో స్టార్ హీరోల సినిమాలు ముగ్గురు పోటీలో ఉన్నపుడు. విశాల్ ఈక్వేషన్స్ ఏవీ ఇక్కడ పనిచేయవు. దీన్ని తట్టుకుని ఈ పందెంకోడి టాలీవుడ్ లో ఎలా నిడబడతాడో !