విశాల్ కొత్త సినిమా.. నెవ్వర్ బిఫోర్ లుక్

కోలీవుడ్ నటుడు విశాల్ తదుపరి చిత్రం మార్క్ ఆంటోని రెడీ అవుతోంది. సక్సెస్ ఫెయిల్యూర్స్ తో సంబంధం లేకుండా సినిమాలు చేస్తున్న విశాల్ ఈసారి ఈ సినిమాతో ఎలాగైనా బాక్స్ ఆఫీస్ వద్ద మంచి సక్సెస్ అందుకోవాలని అనుకుంటున్నాడు. ముఖ్యంగా తెలుగులో కూడా అతను సక్సెస్ అందుకొని చాలా కాలం అయింది. ప్రస్తుతం రెండు ప్రాజెక్టులు సెట్స్ పైన ఉండగానే విశాల్ ఇప్పుడు విభిన్నమైన మరొక కొత్త సినిమాను మొదలుపెట్టాడు.

ఈసారి రెగ్యులర్ కమర్షియల్ కథతో కాకుండా ప్రయోగాత్మకమైన పాత్రతో కనిపించాలి అని విశాల్ ప్రయత్నాలు చేస్తున్నట్లు అనిపిస్తుంది. ఎందుకంటే మార్క్ అంటోనీ సినిమాకు సంబంధించిన ఫస్ట్ లుక్ అయితే చాలా విభిన్నంగా ఉంది.

ముందుగా ప్రకటించినట్లుగానే ఈ సినిమా ఫస్ట్ లుక్ పోస్టర్‌ను మేకర్స్ విడుదల చేశారు. మునుపెన్నడూ లేని అవతార్‌లో విశాల్‌ దర్శనమిచ్చాడు. పొడవాటి గడ్డం, ఒత్తైన జుట్టుతో అతని మాస్ లుక్ ఆకట్టుకుంటుంది. దీంతో సినిమాపై అంచనాలు పెరిగిపోయాయి.

చూస్తుంటే ఈసారి విషయాలు సరికొత్త తరహాలో సక్సెస్ అందుకునేలా ఉన్నాడు అనిపిస్తోంది. అలాగే తెలుగులో కూడా ఈ సినిమాను భారీ స్థాయిలోనే విడుదల చేయాలని అనుకుంటున్నారు విశాల్ అయితే గత కొంతకాలంగా చాలా దారుణమైన పరిస్థితులను ఎదుర్కొంటున్నాడు.

నిర్మాతగా కూడా అతను తీవ్రమైన నష్టాల్లోనే కొనసాగాల్సి వస్తోంది. ఇక ఇప్పుడు మార్క్ అంటోని సినిమాపై అతను భారీ ఆశలు పెట్టుకున్నాడు. యాక్షన్ డ్రామాగా తెరకెక్కిన ఈ చిత్రానికి ఆదిక్ రవిచంద్రన్ దర్శకత్వం వహించారు. ఇక ఈ చిత్రంలో ఎస్‌జే సూర్య కీలక పాత్ర పోషిస్తున్నారు. అలాగే మరి కొంతమంది ప్రముఖ నటీనటులు కూడా ప్రత్యేకమైన పాత్రలో కనిపించబోతున్నట్లుగా తెలుస్తోంది.

ఈ సినిమాలో తెలుగమ్మాయి రీతూ వర్మ కథానాయికగా కనిపించనుంది. మినీ స్టూడియోస్ పతాకంపై వినోద్ కుమార్ ఈ చిత్రాన్ని నిర్మించారు. ఇక జివి ప్రకాష్ కుమార్ సంగీత దర్శకుడు. మార్క్ అంథోని సినిమాకు సంబంధించిన షూటింగ్ పనులు అయితే ఇప్పటికే సగానికి పైక పూర్తయ్యాయి. ఇక వీలైనంత త్వరగా మిగిలిన షూటింగ్ పనులను పూర్తిచేసే సినిమాను ఈ ఏడాది చివరలో విడుదల చేయలనే ఆలోచనలో ఉన్నారు. మరి ఈ సినిమా విశాల్ కు ఎంతవరకు లాభాలు అందిస్తుందో చూడాలి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.