సమంత రోల్ మోడల్ ఎలాగంటే..

టాలీవుడ్ టాప్ హీరోయిన్ సమంత ఈ ఏడాది వరస హిట్లతో దూసుకుపోతోంది. రంగస్థలం.. మహానటి బ్లాక్ బస్టర్లు ఇప్పటికే ఆమె ఖాతాలో ఉన్నాయి. హ్యాట్రిక్ హిట్ ముందు ఉన్న సమంత తరవాత సినిమా అభిమన్యుడు రిలీజుకు సిద్ధమైంది. విశాల్ హీరోగా నటించిన ఈ డబ్బింగ్ మూవీ జూన్ 1న థియేటర్లకు రానుంది.

అభిమన్యుడు టీం సినిమా తాజాగా ప్రమోట్ చేసే పనిలో పడింది. ఈ సందర్భంగా హీరోయిన్ సమంత అంటే లక్కీ ఛార్మ్ అంటూ హీరో విశాల్ ఆమెను తెగ పొగిడేశాడు. ఆమె ట్రెండ్ బ్రేక్ చేస్తున్న హీరోయిన్ అంటూ కాంప్లిమెంట్ కూడా ఇచ్చేశాడు. ‘‘ఈ సినిమా సక్సెస్ హీరోగా నాకెంత సంతోషమో సమంతకు హిట్ క్రెడిట్ రావడం అంతే సంతోషం. ఎందుకంటే పెళ్లయిన హీరోయిన్లు సినిమాలు చేయలేరు. పెళ్లయిన హీరోయిన్లకు సక్సెస్ లు రావనే అపవాదును ఆమె బ్రేక్ చేసింది. రేపటి తరం హీరోయిన్లకు ఆమె రోల్ మోడల్ గా నిలుస్తుంది. డైరెక్టర్లు - నిర్మాతలు కూడా పెళ్లయిన అమ్మాయిలను హీరోయిన్లుగా హ్యాపీగా తీసుకోవచ్చు’’ అంటూ చెప్పుకొచ్చాడు విశాల్.

పనిలో పనిగా తన నెక్ట్స్ సినిమాలో హీరోయిన్ గా చేయమంటూ విశాల్ సమంతకు ఓపెన్ రిక్వెస్ట్ పెట్టేశాడు. ‘‘కెమెరా మేన్ జార్జ్ - సమంత కలిసి నటించిన ప్రతి సినిమా బ్లాక్ బస్టర్ అయింది. అందుకే నేను జార్జ్ ను పట్టేసుకున్నాను. సమంతను హీరోయిన్ గా చేయమని అడుగుతున్నా. ఒక రెండు హిట్లు వరసగా ఇస్తే తరవాత ఫ్లాపులు వచ్చినా తట్టుకోవడానికి వీలవుతుంది’’ అంటూ ఫన్నీగానే విశాల్ చెప్పుకొచ్చాడు.