పందెంకోడి 2లో 'ఓయ్‌' గాళ్‌??

బేబి షామిలి అన్న పేరు వింటే చాలు.. తెలుగు ప్రేక్షకులు ఇట్టే గుర్తు పట్టేస్తారు. జగదేకవీరుడు-అతిలోక సుందరిలో చిన్నారి షామిలి నటన అద్భుతం. ఆ తర్వాత మణిరత్నం దర్శకత్వం వహించిన 'అంజలి' చిత్రంతో జాతీయ అవార్డు నటిగా అందరి గుండెల్లో నిలిచిపోయింది. బేబి షామిలి నడక, నడత, నవ్వు అన్నీ ఇప్పటికీ ప్రేక్షకుల కళ్లలోనే విజువలైజ్‌ చేసుకుంటారు.

షామిలి అంటే తెలుగువారికి అంతటి అభిమానం. అందుకే షామిలి సినిమాలు వదిలేసి విదేశాల్లో చదువుకోవడానికి వెళ్లిపోయింది ..అనగానే కాస్త బెంగపెట్టుకున్నారు. కట్‌ చేస్తే వన్‌ ఫైన్‌ డే సిద్ధార్థ్‌ సరసన ఓయ్‌ చిత్రంతో కథానాయికగా రీఎంట్రీ ఇచ్చింది. అయితే తొలిసినిమా బాక్సాఫీస్‌ వద్ద యావరేజ్‌ అన్న టాక్‌ తెచ్చుకుంది. దానితో షాలిని మళ్ళీ చదువుకోవడానికి జంప్‌. ఇంతకాలం ముఖానికి రంగేసుకోలేదు. అయితే ఇప్పుడు కాస్త స్లిమ్మయ్యి మరోసారి షామిలీ రీఎంట్రీ ఇస్తోందన్న వార్త వినిపిస్తోంది.

విశాల్‌ కథానాయకుడిగా లింగుస్వామి తెరకెక్కించనున్న 'సందకోజి' లో (పందెం కోడి-2) చిత్రంలో నాయికగా ఎంపికైంది. వాస్తవానికి ఈ పాత్రలో సమంత లేదా తమన్నా నటిస్తారని వార్తలొచ్చినా వాటిని విశాల్‌ ఖండించాడు. విశాల్‌ ఫిలింఫ్యాక్టరీ పతాకంపై ఈ చిత్రం తెరకెక్కుతోంది. షామిలి రీఎంట్రీ ఇస్తోంది కాబట్టి అభిమానులకు ఇది శుభవార్తే.