డోస్ పెంచి మూడు పాత్రలతో..

నవతరం తమిళ్ టాప్ హీరోలకు తెలుగులో మంచి మార్కెట్ ఉంది. తెలుగు లో కూడా తమ హవా చాటుతున్న తమిళ్ హీరోలలో సూర్య, విక్రమ్, కార్తీ లతో పాటుగా పందెంకోడి హీరో విశాల్ కూడా ఉన్నాడు. ఇప్పుడు తెలుగు తమిళ్ సినిమా మధ్య గట్టి పోటీ ఏర్పడింది. అందుకే తెలుగులో పెద్ద స్టార్లు ఫాలో అవుతన్న ఫార్ములా.. అక్కడి హీరోలు కూడా దించేస్తున్నారు.

త్వరలో రానున్న ''జై లవ కుశ'' సినిమాలో ఎన్టీఆర్ త్రిపాత్రాభినయం చేస్తున్న సంగతి తెలిసిందే. ఇప్పుడు అదే బాటలో తమిళ్ హీరో విశాల్ కూడా తన రాబోతున్న సినిమా లో ట్రిపుల్ యాక్షన్ ప్లాన్ చేసుకున్నాడు. వెంకట్ అనే కొత్త డైరెక్టర్ చెప్పిన స్క్రిప్ట్ బాగా నచ్చి కథని ఓకే చేసాడట ఈ పందెంకోడి హీరో. నాళై నమాతే అనే టైటిల్ తో రానున్న ఈ సినిమాలో విశాల్ విలక్షణత చూపిస్తాడని తెలుస్తోంది. ఈ సినిమాలో విశాల్ కి జంటగా ఎవ్వరూ అనేది ఇంకా ఫైనల్ కాలేదు. మూడు పాత్రలు ఉన్నాయి కాబట్టి ముగ్గురు హీరోయిన్లను వెతకాలి మరి.

అయితే ఒక పాత్రతో వస్తున్న విశాల్ సినిమాలు ఈ మధ్యన ఘోరంగా ఫ్లాప్ అవుతున్న దరిమిళా.. ఇప్పుడు మూడు పాత్రలు అంటే డోస్ కాస్త ఓవర్ అవుతుందేమో అంటున్నారు మనోడి తెలుగు అభిమానులు.

Like Us on Facebook : https://www.facebook.com/Tupakidotcom/