`ఉ అంటావా.. అంటూ ఊపేసిన యాంక‌ర‌మ్మ‌!

టెలివిజ‌న్ షోస్ లో హాట్ యాంక‌ర‌మ్మగా దూసుకుపోతున్న భామ‌ల్లో ఒక‌రు విష్ణు ప్రియ భీమ‌నేని. `పోరా పోవే` షోతో బాగా పాపుల‌రైన ప్రియా కొన్ని చిన్నా చిత‌కా సినిమాల్లో సైతం న‌టించింది. యూత్ లో ఎక్కువ ఫాలోయింగ్ ఉన్న యాంక‌రుగా దూసుకుపోతుంది. ఎప్ప‌టిక‌ప్పుడు సోష‌ల్ మీడియాలో అభిమానుల్ని ఫోటో వీడియో ట్రీట్ తో హీటెక్కిస్తూనే ఉంది. పొట్టి నిక్క‌ర్లు...డిజైనర్ దుస్తుల్లో అందాల్ని ఎలివేట్ చేస్తూ క్రేజ్ పెంచుకునే ప్ర‌య‌త్నాలు చేస్తోంది. అలాగే వ‌రుస‌గా డ్యాన్సింగ్ వీడియోల్ని షేర్ చేస్తోంది విష్ణు ప్రియ‌. అయితే బుల్లి తెర నుంచి వెండి తెర‌కు ప్ర‌మోట్ మాత్రం కాలేక‌పోతుంది. న‌టిగా ఆడ‌పా ద‌డ‌పా సినిమాలు చేసినా ఆమెకు అంత‌గా గుర్తింపు రాలేదు.

తాజాగా విష్ణు ప్రియ పుష్ప స్పెష‌ల్ నంబ‌ర్ కి డ్యాన్సులు వేసింది. `ఊ అంటావా..ఊఊ అంటావా` పాట‌కు ఓ రేంజ్ లో స్టెప్పులేస్తూ సంద‌డి చేసింది. `పుష్ప`లో స‌మంత ఎంత ఊపు తెచ్చిందో అంత‌గా రెచ్చిపోయింది స‌ద‌రు యాంక‌రు. చుక్క‌ల బ్లౌజ్ ధ‌రించి మ్యాచింగ్ క‌ల‌ర్ తో స్క‌ర్ట్ ని ధ‌రించింది. అటుపై ఊ అంటావా మామ అంటావా..ఊ అంటావా అంటూ త‌న‌దైన శైలిలో స్పీడందుకుంది. ఆ పాట‌కి సంబంధించిన కొన్ని ఫోటోలు ఇప్పుడు నెట్టింట‌ వైర‌ల్ గా మారాయి. ఇక‌ నెటిజ‌నులు త‌మ‌దైన శైలిలో కామెంట్లు గుప్పిస్తూ అమ్మ‌డి క్రేజ్ ని పెంచే ప్ర‌య‌త్నం చేస్తున్నారు. `వారెవ్వా` విష్ణు ప్రియ.. స‌మంత‌ని మించి పోయావు!! అంటూ ఓ అభిమాని కామెంట్ చేసాడు.

ప్ర‌స్తుతం ఈ భామ తెలుగులో `చెక్ మేట్` అనే సినిమాలో న‌టిస్తోంది. కొంత భాగం షూటింగ్ పూర్త‌యింది. కోవిడ్ కార‌ణంగా సినిమాకు సంబంధించిన ప‌నులు నిలిచిపోయాయి. కోవిడ్ త‌ర్వాత తిరిగి చాలా సినిమాల షూటింగ్ లు ప్రారంభం అయ్యాయి. కానీ చెక్ మేట్ మాత్రం ఇంకా అక్క‌డే ఉన్న‌ట్లు క‌నిపిస్తోంది. అయితే క‌రోనా రాక‌తో క్రైసిస్ వ‌ల్ల‌ ఉన్న డ‌బ్బు అంతా ఖ‌ర్చ‌యింది. ఆ ర‌కంగా చాలా సినిమాలు మ‌ధ్య‌లోనే వ‌దిలేసారు. మ‌రి `చెక్ మేట్` ప‌రిస్థితి ఏంటి? అన్న‌ది మేక‌ర్స్ రివీల్ చేస్తేగానీ క్లారిటీ రాదు.