సీక్వెల్ తో హీరో గారు పాన్ ఇండియా ప్లాన్?

విష్ణు విశాల్ కోలీవుడ్ లో ప్రామిస్సింగ్ హీరో. అత‌డు ద‌గ్గుబాటి రానాతో క‌లిసి అర‌ణ్య‌లో న‌టించాడు. విష్ణుతో స్నేహంగా ఉండే రానా అత‌డితో సినిమాల‌ను నిర్మిస్తున్నాడు. విష్ణు ప్ర‌స్తుతం పాన్ ఇండియా స్టార్ డ‌మ్ కోసం త‌న‌వంతు ప్ర‌య‌త్నాలు చేస్తున్నార‌ని స‌మాచారం.

విష్ణు న‌టించిన‌ FIR ఫిబ్రవరి 2022లో విడుదలై విజ‌యం సాధించిన సంగ‌తి తెలిసిందే. మాస్ మహారాజా రవితేజ ఈ చిత్రాన్ని తెలుగులో అందించారు. మను ఆనంద్ దర్శకత్వం వహించిన ఈ సినిమా మళ్లీ వార్తల్లో నిలిచింది. తాజాగా విష్ణు స్వ‌యంగా తన సోషల్ మీడియా ఖాతాలో వివ‌రాలు వెల్ల‌డించారు. డీసెంట్ మూవీ FIRకి సీక్వెల్ అధికారికంగా ప్ర‌య‌త్నాలు సాగుతున్నాయ‌ని ప్రకటించారు. FIR 2. త్వరలో !! అని హింట్ ఇచ్చాడు. సీక్వెల్ కు సంబంధించిన ఇతర సమాచారాన్ని అతను వెల్లడించలేదు. దీని గురించి మరింత తెలుసుకోవాలంటే మరికొద్ది రోజులు ఆగాల్సిందే.

ప్ర‌స్తుత పాన్ ఇండియా ట్రెండ్ లో త‌న సినిమాని విష్ణు విశాల్ నేరుగా తెలుగు-త‌మిళం-హిందీలో విడుద‌ల చేస్తార‌ని కూడా తెలుస్తోంది. FIRలో రెబా మోనికా జాన్- మంజిమా మోహన్- గౌతమ్ వాసుదేవ్ మీనన్ తదిత‌రులు ముఖ్యమైన పాత్రల్లో న‌టించారు. రెండో భాగంలోను వీరంతా కొన‌సాగుతారు. విష్ణు విశాల్ స్టూడియోస్ నిర్మించిన యాక్షన్ డ్రామా ఎఫ్‌.ఐ.ఆర్ కి అశ్వత్ సంగీతం అందించారు.