ర‌ణ‌వీర్ లా న‌గ్నంగా ఇంకో హీరో.. గుత్తా జ్వాల ఫ్లాష్‌!

రణవీర్ సింగ్ ఫ్యాష‌న్ ప్ర‌పంచంలో విల‌క్ష‌ణుడిగా పాపుల‌రైన సంగ‌తి తెలిసిందే. ఒక ప్ర‌ఖ్యాత‌ మ్యాగజైన్ కోసం నగ్న ఫోటోషూట్ లో పాల్గొని ఇంటర్నెట్ లో కల్లోలం సృష్టించాడు. అయితే ఇప్పుడు ర‌ణ‌వీర్ స్ఫూర్తితో తమిళ నటుడు విష్ణు విశాల్ కూడా న‌గ్న ఫోటోషూట్ లో పాల్గొన్నాడు.

తన నగ్న ఫోటోను సోషల్ మీడియాలో షేర్ చేశాడు.  మంచంపై పడుకుని అత‌డు న‌గ్నంగా ఫోజిచ్చాడు. దీనికి విష్ణు విశాల్ ఆస‌క్తిక‌ర వ్యాఖ్య‌ను జోడించాడు. ``ర‌ణ‌వీర్ లాగే ట్రెండ్ లో చేరాను.. నా భార్య జ్వాలా ఫోటోగ్రాఫ‌ర్ గా మారింది`` అని వెల్ల‌డించాడు

ఈ ఫోటోషూట్ లో టోన్డ్ బాడీని ప్రదర్శిస్తూ విష్ణు న‌గ్నంగా పోజులిచ్చాడు కానీ తన బాట‌మ్ ని తెల్లని దుప్పటితో కప్పుకుని క‌నిపించాడు.  తన భార్య -బ్యాడ్మింటన్ క్రీడాకారిణి జ్వాలా గుత్తా త‌న‌ను ఇలా ఫోటోషూట్ చేసింద‌ని ఇదంతా తన గొప్ప‌త‌న‌మ‌ని కూడా కితాబిచ్చాడు.

రణవీర్ సింగ్ మ్యాగజైన్ కోసం సాహ‌సించ‌గా.. విష్ణు విశాల్ త‌న భార్య కోసం సాహ‌సించాడు. అత‌డు ర‌ణ‌వీర్ ని అనుస‌రించాడు. ఆ ఇద్ద‌రి న‌గ్న ఫోటోలు ఇప్పుడు ఇంట‌ర్నెట్ లో హాట్ టాపిక్.  నిజానికి ర‌ణ‌వీర్ ఫోటో షూట్ బర్ట్ రేనాల్డ్స్ షూట్ నుండి ప్రేరణ పొందింది.

రణవీర్ ఈ ఫోటోషూట్ లో శ‌రీరంపై ఏమీ ధరించకుండా టర్కిష్ రగ్గుపై పోజులిచ్చాడు. ర‌క‌ర‌కాల భంగిమ‌ల్లో అత‌డు ఫోజులివ్వ‌గా ఆ ఫోటోల‌న్నీ అంత‌ర్జాలంలో వైర‌ల్ గా మారాయి.

కెరీర్ మ్యాట‌ర్ కి వ‌స్తే... విష్ణు  విశాల్ ప్రస్తుతం చెల్లా అయ్యవు దర్శకత్వం వహించిన ద్విభాషా చిత్రం `గట్ట కుస్తి` షూటింగ్ లో ఉన్నారు. తమిళం- తెలుగు భాషల్లో ఈ చిత్రాన్ని విడుదల చేయనున్నారు.