హీరో ల‌వ్ లో జ్వాలా గుత్తా.. ఇదిగో మ‌రో లీకు

బ్యాడ్మింట‌న్ స్టార్ జ్వాలా గుత్తా‌తో త‌మిళ హీరో విష్ణు విశాల్ ప్రేమాయ‌ణం తెలిసిన వ్య‌వ‌హార‌మే. ఆ ఇద్ద‌రి అనుబంధానికి సంబంధించి స‌న్నిహితంగా ఉన్న ఫోటోలు వీడియోలు ఇప్ప‌టికే అంత‌ర్జాలాన్ని షేక్ చేశాయి. వీటిపై అభిమానుల్లో వాడి వేడి చ‌ర్చా సాగింది. ఇది స్నేహ‌మా? ప్రేమా? అన్న‌ది ఆ ఇద్ద‌రూ బ‌హిరంగంగా ప్ర‌క‌టించ‌డం లేదు.

అయితే ఒక‌రంటే ఒక‌రికి ఉన్న అభిమానం.. స్నేహానుబంధం మాత్రం బ‌య‌ట‌ప‌డుతూనే ఉంది. తాజాగా విష్ణ విశాల్ పుట్టినరోజును పుర‌స్క‌రించుకుని జ్వాలా గుత్తా స‌ర్ ప్రైజ్ ట్రీట్ ఇవ్వ‌డం హాట్ టాపిక్ గా మారింది. గుత్తా నేరుగా చెన్న‌య్ లోని విష్ణు ఇంటికి వెళ్లి అత‌డికి స్వీట్ స‌ర్ ప్రైజ్ ఇచ్చింది. త‌న చెంత‌నే ఉండి పుట్టినరోజు కేక్ క‌ట్ చేయించింది‌.

విష్ణు విశాల్ స్వ‌యంగా ఈ సంగ‌తిని తెలిపారు. జ్వాలా భుజాల మీదుగా చెయ్యి వేసి ఎంతో స‌న్నిహితంగా ఉన్న ఫోటోని షేర్ చేసిన విష్ణు త‌మ మ‌ధ్య అనుబంధాన్ని ధృవీక‌రించాడు. గుత్తాతో క‌లిసి ఉన్న‌ప్ప‌టి అరుదైన ఆ ఫోటోని ట్విట్ట‌ర్ ‌లో షేర్ చేసి ఆనందం వ్య‌క్తం చేశారు. జ్వాలా అత‌డి చెంత‌నే ఉండి న‌వ్వులు చిందిస్తున్న దృశ్యం అభిమానుల‌కు ఆహ్లాదాన్ని పంచుతోంది. జ్వాలా టాప్ టు బాట‌మ్ పింక్ లో మెరిసిపోతోంది. విష్ణు విశాల్ జెర్సీ త‌మిళ రీమేక్ లో న‌టిస్తున్న సంగ‌తి తెలిసిందే. రానా ఈ చిత్రాన్ని నిర్మిస్తున్నారు.