మాస్ కా దాస్‌ కు ఇలియానా అంటే పిచ్చి

ఫలక్ నుమా దాస్ తో హీరోగా మాస్ ఆడియన్స్ ను అలరించిన యంగ్ హీరో విశ్వక్‌ సేన్‌ వరుసగా సినిమాలతో ప్రేక్షకుల ముందుకు వస్తున్నాడు. తాజాగా ఈయన పలు విషయాలను అభిమానులతో షేర్‌ చేసుకున్నారు. ప్రస్తుతం తాను చేస్తున్న సినిమాలతో పాటు ఆయన చిన్నప్పుడు అభిమానించిన హీరోయిన్‌ వరకు పలు విషయాలను గురించి మాట్లాడటం జరిగింది. విశ్వక్‌ సేన్‌ ప్రస్తుతం మాస్ లో మంచి ఫాలోయింగ్ ఉన్న హీరో. ఈ హీరో ప్రస్తుతం ఇలియానా అంటే పడి చస్తాడట. ఇలియానాపై అభిమానం ఎంత ఉందో మాటల్లో చెప్పలేనంటున్నాడు.

చిన్నప్పటి నుండి ఇలియానా అంటే విపరీతమైన అభిమానం. ఆ అభిమానంతో ఆమె పోస్టర్ లు ఎక్కడ కనిపించినా కూడా తీసుకు వచ్చి ఇంట్లో పెట్టుకునేవాడిని. ఆమె పొటో షూట్ ఏ ఒక్కటి మిస్ అవ్వకుండా కలెక్ట్‌ చేసేవాడిని. ఇలియానా అంటే అప్పటి నుండే పిచ్చి. ఇండస్ట్రీలోకి అడుగు పెట్టిన తర్వాత కూడా నా మనసు మారకుండా అలాగే ఉంది. ఆమెపై అభిమానం ఏమాత్రం తగ్గలేదని విశ్వక్ చెప్పుకొచ్చాడు.

త్వరలో పాగల్ సినిమా తో ప్రేక్షకుల ముందుకు రాబోతున్నట్లుగా ప్రకటించిన విశ్వక్ సేన్‌ మరో వైపు తమిళ చిత్రం ఓ మై కడవులే తెలుగు రీమేక్ లో నటిస్తున్నట్లుగా చెప్పుకొచ్చాడు. ఇక గత కొంత కాలంగా కప్పెళ రీమేక్ లో నటించబోతున్నట్లుగా వార్తలు వస్తున్నాయి. కాని ఆ వార్తలు నిజం కాదని ఆయన క్లారిటీ ఇచ్చాడు. ప్రస్తుతం చేస్తున్న సినిమాలతో పాటు మరి కొన్ని కూడా చర్చల దశలో ఉన్నట్లుగా పేర్కొన్నాడు.