కొత్తగా ప్రయత్నించబోతున్న ఫలక్‌ నుమా దాస్‌

మాస్ ఆడియన్స్‌ లో మంచి ఫాలోయింగ్ ను దక్కించుకున్న విశ్వక్ సేన్‌ త్వరలో పాగల్‌ చిత్రంతో ప్రేక్షకుల ముందుకు రాబోతున్నాడు. విశ్వక్‌ సేన్‌ ఇప్పటి వరకు చేసిన సినిమాలన్నీ కూడా మాస్‌ ఆడియన్స్‌ కు దగ్గర అయ్యేవి. పాగల్ టైటిల్‌ ను చూస్తుంటేనే ఇది మాస్ కాన్సెప్ట్‌ అనిపిస్తుంది. విశ్వక్‌ సేన్‌ చేసిన ఫలక్ నుమా దాస్‌ సినిమా తో మాన్ ఇమేజ్ ను దక్కించుకున్నాడు. ఆ ఇమేజ్ నుండి బయట పడేందుకు విశ్వక్‌ సేన్ ప్రయత్నాలు మొదలు పెట్టినట్లుగా అనిపిస్తుంది. మాస్ సినిమా కాకుండా లవ్‌ స్టోరీ కమ్‌ క్లాస్‌ కాన్సెప్ట్‌ తో సినిమాకు విశ్వక్‌ సిద్దం అయ్యాడు.

విశ్వక్‌ సేన్‌ హీరోగా 'అశోక వనంలో అర్జున కళ్యాణం' రూపొందబోతుంది. ఆ సినిమాకు సంబంధించిన ఏర్పాట్లు పూర్తి అయ్యాయి. లవర్‌ బాయ్‌ గా విశ్వక్‌ సేన్‌ ఈ సినిమాలో కనిపించబోతున్నట్లుగా సమాచారం అందుతోంది. ఒక విభిన్నమైన ప్రేమ కథతో ఈ సినిమాను విద్యా సాగర్ చింతల దర్శకత్వం వహించేందుకు సిద్దం అయ్యాడు. టైటిల్‌ తో పాటు కాన్సెప్ట్‌ ఓరియంటెడ్‌ పోస్టర్‌ ను కూడా విడుదల చేయడం జరిగింది. ఈ పోస్టర్‌ ను చూస్తుంటే సినిమా ఒక పల్లెటూరు నేపథ్యంలో ఒక మిడిల్ క్లాస్‌ రేంజ్‌ లో రూపొందబోతున్నట్లుగా అనిపిస్తుంది.

పాగల్ సినిమాతో మాస్‌ ఆడియన్స్‌ హృదయాల్లో మరింత చోటు సంపాదించేందుకు రాబోతున్న విశ్వక్ సేన్‌ ఆ తర్వాత క్లాస్ కు కూడా మరింత దగ్గర అయ్యేందుకు గాను అశోకవనంలో అర్జున కళ్యాణం సినిమాను చేస్తున్నాడు. కొత్తగా ప్రయత్నించబోతున్న విశ్వక్‌ సేన్‌ కు ఆయన అభిమానులు శుభాకాంక్షలు తెలియజేస్తున్నారు. లవ్‌ స్టోరీని కొత్తగా తీస్తే తప్పకుండా ఆకట్టుకుంటుందని ప్రేక్షకులు ఆధరిస్తారని ఇటీవల వచ్చిన సినిమాల ఫలితాన్ని బట్టి అర్థం అవుతుంది. అందుకే విశ్వక్ సేన్‌ అశోకవనంలో సక్సెస్‌ కొట్టే అవకాశాలు ఎక్కువ ఉన్నాయంటున్నారు.