'పాగల్' కోసం పాండిచేరీ వెళ్లిన 'మాస్ కా దాస్'

టాలీవుడ్ యువ హీరో 'మాస్ కా దాస్' విశ్వక్ సేన్ నటిస్తున్న లేటెస్ట్ మూవీ "పాగల్". ఈ చిత్రంతో న‌రేష్ కొప్పల్లి అనే కొత్త డైరెక్టర్ ఇండస్ట్రీకి పరిచయం అవుతున్నాడు. శ్రీ వెంకటేశ్వర క్రియేషన్స్ సమర్పణలో లక్కీ మీడియా బ్యానర్ లో బెక్కం వేణుగోపాల్ ఈ చిత్రాన్ని నిర్మిస్తున్నారు. 'ఫలక్ నుమా దాస్' 'హిట్' వంటి వరుస హిట్ చిత్రాలతో జోష్ మీదున్న విశ్వక్.. రెట్టింపు ఉత్సాహంతో 'పాగల్' కోసం వర్క్ చేస్తున్నాడు. ఈ సినిమా తదుపరి షెడ్యూల్ కేంద్ర పాలిత ప్రాంతమైన పాండిచేరీ లో జరగనుంది. దీని కోసం విశ్వక్ సేన్ పాండిచేరీ కి బయలుదేరాడని తెలుస్తోంది. తాజాగా మాస్ కా దాస్ విశ్వక్ ఫోటోలు నెట్టింట హల్ చల్ చేస్తున్నాయి.

ఇందులో విశ్వక్ సేన్ ట్రెండీ అవుట్ ఫిట్స్ తో స్టైలిష్ గా కనిపిస్తున్నాడు. ఎప్పుడూ లేని విధంగా హెయిర్ స్టైల్ కూడా చేంజ్ చేసినట్లు ఈ న్యూ లుక్ చూస్తే అర్థం అవుతోంది. కాగా 'పాగల్' విశ్వక్ సేన్ కెరీర్ లో 5వ చిత్రంగా రానుంది. 'హిట్' కు అద్భుతమైన ఫోటోగ్రఫీ అందించిన ఛాయాగ్రాహకుడు మణికందన్ ఈ చిత్రానికి వర్క్ చేస్తున్నాడు. 'గూఢచారి' గ్యారీ ఎడిటర్ గా పని చేస్తుండగా.. 'అర్జున్ రెడ్డి' రథన్ సంగీతం సమకూరుస్తున్నాడు. సినిమాలతో పాటు రియల్ లైఫ్ లో తన యాటిట్యూడ్ తో యూత్ ఆడియన్స్ కి బాగా దగ్గరైన విశ్వక్ సేన్ కి "పాగల్" మూవీ ఎలాంటి విజయాన్ని అందిస్తుందో చూడాలి.