ట్రైల‌ర్ టాక్ : క‌మ‌ల్ విశ్వ‌రూప‌మిది

విశ్వ‌న‌టుడు క‌మ‌ల్‌ హాస‌న్ స్థాయి లోక‌ల్ కాదు ఇంట‌ర్నేష‌న‌ల్ అని నిరూపిస్తోంది ఈ ట్రైల‌ర్. గ‌త కొంత‌కాలంగా `విశ్వ‌రూపం 2` తెలుగు ట్రైల‌ర్ ఎప్పుడొస్తుందా? అన్న ఉత్కంఠ అభిమానుల్లో ఉంది. ఆ ఉత్కంఠ‌కు తెర‌దించుతూ నేటి సాయంత్రం హైద‌రాబాద్‌ లో అధికారికంగా `విశ్వ‌రూపం 2` తెలుగు ట్రైల‌ర్‌ని క‌మ‌ల్‌ హాస‌న్ బృందం లాంచ్ చేశారు. ఈ సినిమాలో తీవ్ర‌వాదంపై రా ఆఫీస‌ర్ యుద్ధం ఏంటి? అన్న‌ది తెర‌పై చూపించార‌ని ట్రైల‌ర్ వీక్షిస్తే అర్థ‌మ‌వుతోంది. ఇక పూజా కుమార్ - ఆండ్రియా పాత్ర‌ల‌కు సంబంధించిన స‌స్పెన్స్‌ ని పార్ట్ 2లోనే రివీల్ చేయ‌నున్నారు. నీవెవ‌రు? అంటూ పూజా కుమార్ ట్రైల‌ర్‌ లో ప్ర‌శ్నిస్తోంది అంటే .. అస‌లు ఆ ఇద్ద‌రు తొలి భాగంలో భార్య‌భ‌ర్త‌లేనా? అన్న సందేహం రాకుండా ఉండ‌దు.

ఇక‌పోతే ఆండ్రియా పాత్ర ఏంట‌నేది పోస్ట‌ర్ ల‌లోనే స‌స్పెన్స్ రివీల్ చేశారు. త‌నుకూడా ఓ ఆర్మీ ఆఫీస‌ర్‌. త‌న‌కు శిక్ష‌ణ‌నిచ్చింది రా ఆఫీస‌ర్ క‌శ్మీరీ. ఇక రాహుల్ బోస్ పాత్ర క‌మ‌ల్ స్థాయిని ఎలివేట్ చేసే ఓ డైలాగ్‌ ని చెప్ప‌డం విశేషం. వాడు అల్‌ ఖైదాకే ట్రైనింగ్ ఇచ్చినోడు! అంటూ అదిరిపోయే పంచ్ వేశాడు. మొత్తానికి ఈ సినిమాలో ఏ పాత్ర ఏంటో అర్థం చేసుకోలేనంత ఠిఫిక‌ల్‌ గా స్క్రీన్‌ ప్లే రాసుకుని - పార్ట్ 2లో ఆ గుట్టు మొత్తం క‌మ‌ల్ విప్పుతున్నార‌న్న‌మాట‌. అందుకే ఆయ‌న‌ను విశ్వ‌న‌టుడు అని అభిమానులు ప్రేమ‌గా పిలుస్తారు. న‌ట‌న‌ను మించి మేకింగ్ ని ఇష్ట‌ప‌డే క‌మ‌ల్‌ స్క్రీన్‌ ప్లేలోనూ ఇంట‌ర్నేష‌న‌ల్ లెవ‌ల్ అని `విశ్వ‌రూపం 2` నిరూపిస్తుంద‌న‌డంలో సందేహం లేదు. అన్ని స‌స్పెన్స్‌ ల‌కు తెర‌వీడేది ఆగ‌స్టు 10వ తేదీన‌.