ప్రభాస్ విలన్స్.. ఆ బాలీవుడ్ హీరోస్

బాహుబలి2 విడుదల కోసం ఎదురుచూస్తున్న ప్రభాస్.. తన నెక్ట్స్ మూవీకి రెడీ అవుతున్న విషయం తెలిసిందే. యంగ్ ఫిలిం మేకర్ సుజిత్ డైరెక్షన్ లో భారీ బడ్జెట్ తో తెరకెక్కనున్న ఈ చిత్రంలో.. బాలీవుడ్ విలనిజం కొలువు తీరబోతోంది.

ఇప్పటికే నీల్ నితిన్ ముకేష్ ను యంగ్ రెబల్ స్టార్ కు మెయిన్ విలన్ గా నటించే పాత్రలో తీసుకున్నారు. ఇప్పుడు మరో నెగిటివ్ రోల్ కు బాలీవుడ్ హీరో వివేక్ ఒబేరాయ్ ను ఒప్పించడం విశేషం. విలన్ రోల్స్ లో ఒకదాన్ని చేసేందుకు వివేక్ ఒప్పుకున్నాడని.. హిందీ రిలీజ్ పై మేకర్స్ దృష్టి పెట్టడంతోనే బాలీవుడ్ విలన్స్ ని తీసుకుంటున్నారని తెలుస్తోంది. ఇంకా హీరోయిన్ ను ఫైనలైజ్ చేయలేదు కానీ.. ఈ మూవీ యాక్టర్స్ కి సంబంధించి మరో ఆసక్తికరమైన విషయం కూడా ఉంది. ఈ సినిమాలో ఇంకో కీలకమైన పాత్ర కూడా ఉంటుందట.

ఇది కూడా నెగిటివ్ రోల్ కాగా.. దీనికి జాకీ ష్రాఫ్ ను తీసుకోవాలని చూస్తున్నారు. జాకీ ఇప్పటికే తెలుగు సినిమాలు కూడా కొన్ని చేసి ఉండడంతో.. రెండు భాషల ఆడియన్స్ కు కనెక్ట్ అవుతాడని భావిస్తున్నారట. మొత్తానికి ప్రభాస్ కు అందరూ బాలీవుడ్ యాక్టర్స్ నే విలన్లుగా సెట్ చేస్తున్నారు. తెలుగు.. హిందీ.. తమిళ్ భాషల్లో ఏకకాలంలో చిత్రీకరించనున్న ఈ చిత్రం క్యాస్టింగ్ విషయంలో.. చాలా జాగ్రత్తలు తీసుకుంటున్నారు మేకర్స్.

Like Us on Facebook : https://www.facebook.com/Tupakidotcom/