స్టార్ హీరో మళ్లీ దోచేసుకున్నాడు

స్టార్ హీరో స్థాయికి చేరుకోవడం కంటే.. ఆ స్థాయిని నిలబెట్టుకోవడం చాలా కష్టమైన విషయం. సినిమాలతో స్టార్స్ అనిపించుకున్న చాలా మంది.. రియల్ లైఫ్ లో మాత్రం ఆ స్థాయి గుర్తింపు సంపాదించుకోలేకపోయారు. కానీ వివేక్ ఒబెరాయ్ మాత్రం అన్ని కోణాల్లోనూ శభాష్ అనిపించుకోవడమే కాదు.. అందరి మనసులు గెలుచుకుంటున్నాడు.

25మంది మృతి చెందిన సీఆర్పీఎఫ్ జవాన్లకు చెందిన కుటుంబాలకు ఫ్లాట్స్ బహుమతిగా ఇచ్చి వివేక్ ఒబెరాయ్ రియల్ హీరో అనిపించుకున్నాడు. ఇప్పుడు అలాంటిదే మరొక అంశంతో జనాల మనసులు దోచుకున్నాడు ఈ స్టార్ హీరో. యాసిడ్ దాడికి గురి అయిన ముంబై వాసి లలిత బెన్బన్సీ వివాహం జరగగా.. ఆ పెళ్లి వేడుకకు అటెండ్ అయ్యాడు వివేక్ ఒబెరాయ్. అంతే కాదు.. ఆ పెళ్లి జంటకు థానే ఏరియాలో ఓ ఫ్లాట్ ను తన తరఫున వివాహ కానుకగా అందించడం విశేషం.

ఈమె సాహస్ ఫౌండేషన్ లో పని చేస్తుండగా.. ఆ స్వచ్ఛంద సంస్థ నిర్వహించే ఓ అవగాహనా కార్యక్రమంలో వివేక్ ఒబెరాయ్ కు పరిచయం అయింది. రాహుల్ కుమార్ అనే వ్యక్తితో కొన్ని నెలల నుంచి ప్రేమలో ఉన్న లలిత.. ఇప్పుడు ఆ వ్యక్తిని వివాహం ఆడింది. ఆ వేడుకకు హాజరయిన వివేక్ ఒబెరాయ్.. ఫ్లాట్ గిఫ్ట్ గా ఇచ్చి అబ్బురపరిచాడు.

Like Us on Facebook : https://www.facebook.com/Tupakidotcom/