బాలకృష్ణ 102లో బాలీవుడ్ విలన్

బాలకృష్ణ, పూరీ జగన్నాథ్ కాంబినేషన్ లో వచ్చిన పైసా వసూల్ మిక్సడ్ టాక్ తో ఫ్లాప్ అయింది. ముఖ్యంగా బాలయ్య అభిమానులకి ఈ సినిమా నచ్చకపోవడంతో పైసా వసూల్ కి పెద్దగా వసూళ్లు రాలేదు. అయితే పైసా వసూల్ సెట్స్ పై ఉండగానే తన 102 కోసం రంగంలోకి దిగిన బాలకృష్ణ ప్రస్తుతం ఆ సినిమా షూట్ లోనే బిజీగా ఉన్నాడు. ఈ సినిమాను ప్రముఖ నిర్మాత సి.కళ్యాణ్ నిర్మిస్తున్నాడు - తమిళ డైరెక్టర్ కె.యస్.రవికుమార్ దర్శకత్వం వహిస్తున్నాడు.

ఈ చిత్రంలో నయనతార బాలకృష్ణకి తల్లిగా నటిస్తోంది. అంతేకాదు ఈ చిత్రంలో బాలయ్య డ్యూయల్ రోల్ లో కనిపించబోతున్నాడు. శరవేగంగా షూట్ జరుపుకుంటోన్న ఈ సినిమాను సంక్రాంతి బరిలోకి దించేందుకు చిత్ర బృందం సన్నాహాలు చేస్తోంది. తాజాగా బాలీవుడ్ హీరో కమ్ విలన్ వివేక ఒబరాయ్ ఈ సినిమాలో నటించేందుకు గ్రీన్ సిగ్నెల్ ఇచ్చినట్లుగా తెలిసింది. బాలీవుడ్ తో పాటు కోలీవుడ్ లో విలన్ గా నటిస్తున్న వివేక్ ఒబరేయ్ ఈ సినిమాతో తొలిసారిగా తెలుగులోకి విలన్ గా ఎంట్రీ ఇస్తున్నాడు. గతంలో రక్తచరిత్ర సినిమాలో టైటిల్ పాత్రని వివేక్ పోషించిన సంగతి తెలిసిందే. అలానే ఇటీవలే విడుదలైన అజిత్ యాక్షన్ మూవీ వివేకంలో వివేక్ ఒబరాయ్ ప్రతినాయకుడిగా నటించారు. అయితే ఈ సినిమా సక్సెస్ అవ్వకపోవడంతో విలన్ గా తమిళనాట పాగా వేయాలనుకొని ప్లాన్ చేసుకున్న వివేక్ కి ఎదురుదెబ్బ తగిలింది. దీంతో బాలయ్య సినిమాతో తెలుగునాట విలన్ గా రీ ఎంట్రీ ఇచ్చి తన లక్ టెస్ట్ చేసుకోవడానికి ట్రై చేస్తున్నాడు ఈ బాలీవుడ్ అందగాడు. గతంలో బాలయ్య లెజెండ్ మూవీతో విలన్ గా ఎంట్రీ ఇచ్చి తన కెరీర్ ని గాఢిలో పెట్టుకున్నాడు హీరో జగపతిబాబు. ఇదే రీతిన వివేక్ ఒబరాయ్ కి కూడా బాలయ్య లిఫ్ట్ ఇస్తాడేమో చూద్దాం.