చిరు ఢీకొట్టేది ఎవరో తెలుసా?

మొత్తానికి అనేక తర్జన భర్జనల తర్వాత హీరోగా రీఎంట్రీ మూవీగా ‘కత్తి’ రీమేక్ నే ఎంచుకున్నాడు మెగా స్టార్ చిరంజీవి. వినాయకే దర్శకుడని కూడా తేలిపోయింది. వీళ్లిద్దరి కాంబినేషన్ లో ఇంతకుముందు మురుగదాస్ సినిమా ‘రమణ’కు రీమేక్ గా తెరకెక్కిన ‘ఠాగూర్’ బ్లాక్ బస్టర్ హిట్టయిన నేపథ్యంలో... మళ్లీ సేమ్ కాంబినేషన్ మురుగదాస్ సినిమాను రీమేక్ చేస్తుండటంతో సెంటిమెంటు పరంగానూ బాగానే వర్కవుటవుతుందని ఆశతో ఉన్నారు. ఇప్పటికే స్క్రిప్టు ఓ ఫైనల స్టేజికి వచ్చేసిందని సమాచారం. ఇప్పుడిక కాస్టింగ్ ఫైనలైజ్ చేసే పనిలో ఉన్నారు.

తమన్నా హీరోయిన్ అన్న ప్రచారం జరుగుతోంది. హీరోయిన్ కంటే కూడా విలన్ ఎవరన్నది అత్యంత ఆసక్తి రేపుతున్న విషయం. తమిళంలో నీల్ నితిన్ ముకేశ్ చేసిన విలన్ క్యారెక్టర్ భలే హైలైట్ అయింది. ఈ పాత్రకు తెలుగులోనూ ఓ బాలీవుడ్ నటుడినే ప్రయత్నిస్తున్నారట. ఆ నటుడు మరెవరో కాదు.. వివేక్ ఒబెరాయ్ అంటున్నారు. రక్తచరిత్రలో పరిటాల రవిగా తెలుగు ప్రేక్షకులకు బాగానే చేరువయ్యాడు వివేక్. మళ్లీ తెలుగులో ఒకట్రెండు అవకాశాలు వచ్చినా ఒప్పుకోలేదు. ఇప్పుడు చిరంజీవి చేయబోయే ప్రెస్టీజియస్ మూవీ అనగానే మరో మాట లేకుండా ఒప్పేసుకుంటాడనడంలో సందేహం లేదు.