జర్నలిస్ట్ ని బూతులు తిట్టిన డైరెక్టర్

వీఎన్ ఆదిత్య.. తన మొదటి సినిమాతోనే సంచలనం సృష్టించిన ఈ దర్శకుడిపై ఈ మధ్య ఓ న్యూస్ వచ్చింది. కుటుంబాన్ని వదిలేసి అమెరికా చెక్కేశాడంటూ రూమర్లు స్ప్రెడ్ అయ్యాయి. కొన్ని సైట్లలో రూమర్లుగా వస్తున్న వాటిపై క్లారిటీ ఇస్తూ.. ఓ ప్రముఖ దిన పత్రికలో రీసెంట్ గా ఆర్టికల్ వచ్చింది. ఓ సింగర్ తో సంబంధం పెట్టుకుని.. అమెరికా చెక్కేసి.. కుటుంబాన్ని గాలికి వదిలేశాడన్నది ఆ న్యూస్ ఆర్టికల్ సారాంశం.

ఈ ఆర్టికల్ రాసిన వ్యక్తిపై వీఎన్ ఆదిత్యకు ఒళ్లు మండింది. తన ఫేస్ బుక్ పేజ్ ని వేదికగా చేసుకుని ఎటాక్ చేశాడు ఈ దర్శకుడు. 'నీకు ఇష్టం వచ్చినట్లుగా రాసేందుకు హక్కుందని నాకు తెలుసు. నా సోదరుడి ఫ్రెండ్ గా నిన్ను గౌరవిస్తా. నీకు అవసరమైనప్పుడల్లా నా సాయం పొందావ్. ఇప్పుడు నీ అసలు రంగు చూపించావ్. ఈ..యట్.. ఇతరుల జీవితంపై బురద జల్లడం మానేయ్. ఇవాల్టి నుంచి నువ్వసలు జర్నలిస్టువే కాదు' అంటూ కస్సుబుస్సులాడిన వీఎన్ ఆదిత్య.. ఆ తర్వాత కొన్ని బూతులు కూడా తిట్టాడు.

'రా.. స్కైప్ కాల్ మాట్లాడి ఇంటర్వ్యూ తీసుకుని.. పబ్లిక్ లో ఫైట్ చెయ్. మా కుటుంబం అంతా సీనియర్ జర్నలిస్టులే. నా కుటుంబం గురించి నీకేం తెలుసు. నాలో రెండో యాంగిల్ ని కదపద్దు. నాకెపుడూ సాయం చేయని వాళ్లకి నేనేంటో ప్రూవ్ చేయాల్సిన పని లేదు. పెన్ను సరిగ్గా వాడు. నీ దిక్కు మాలిన రాతలకు తగిన ఫలితం అనుభవించేందుకు సిద్ధంగా ఉండు' అంటూ విరుచుకుపడ్డ వీఎన్ ఆదిత్య.. 'కవర్ లో డబ్బులు తీసుకుని సినిమాని ప్రమోట్ చేసే నీకేం తెలుస్తుంది క్రియేటర్ విలువ.. వాడి జీవితం గురించి' అంటూ కస్సుబుస్సులాడాడు.