ఫస్ట్ డే.. రామ్ కెరీర్ బెస్ట్ జిందగీ

రామ్ హీరోగా రూపొందిన లేటెస్ట్ మూవీ ఉన్నది ఒకటే జిందగీ. నేను శైలజ తర్వాత కిషోర్ తిరుమల కాంబినేషన్ లో రామ్ చేసిన మూవీ కావడం.. ఆడియో మంచి సక్సెస్ సాధించడం.. ముందు నుంచి మంచి అంచనాలు ఉన్న ఈ చిత్రానికి.. రివ్యూలు మాత్రం యావరేజ్ గానే వచ్చాయి. జనాల్లో టాక్ కూడా పర్లేదనిపించే స్థాయిలోనే ఉన్నా.. మొదటి రోజు వసూళ్ల విషయంలో మాత్రం ఉన్నది ఒకటే జిందగీ ఇరగదీసేసిందనే చెప్పాలి.

ఈ చిత్రానికి తొలి రోజున నైజాంలో 1.41 కోట్లు.. వైజాగ్ 0.41 కోట్లు.. ఈస్ట్ 0.29 కోట్లు.. వెస్ట్ 0.23 కోట్లు.. కృష్ణా 0.26 కోట్లు.. గుంటూరు 0.40 కోట్లు.. కోట్లు.. నెల్లూరు 0.11 కోట్లు వసూళ్లు వచ్చాయి. సీడెడ్ నుంచి అరకోటి వసూలు చేయగా రెండు తెలుగు రాష్ట్రాల్లోనే 3.61 కోట్ల షేర్ వసూలు అయింది. కర్నాటక 25 లక్షలు.. యూఎస్ ఏ 39 లక్షలు.. ఇతర ప్రాంతాల నుంచి 15 లక్షలు కలుపుకుంటే.. మొత్తంగా ప్రపంచవ్యాప్తంగా తొలిరోజున రామ్ లేటెస్ట్ మూవీకి 4.4 కోట్ల షేర్ కలెక్షన్స్ వచ్చాయి.

గ్రాస్ లెక్క 7.6 కోట్ల వరకూ ఉండగా.. ఇది ఎనర్జిటిక్ హీరో కెరీర్ బెస్ట్ వసూళ్లు కావడం విశేషం. కంటెంట్ నెమ్మదిగా ఉందంటూ ఈ సినిమాకు వచ్చిన రివ్యూలను జనాలు పెద్దగా లెక్క చేయలేదని చెప్పచ్చు. ఫ్రెండ్ షిప్ బేస్డ్ గా వచ్చిన మూవీ కావడంతో కుర్రాళ్లకు బాగానే ఎక్కుతోంది. వీకెండ్ లో వసూళ్లు మరింతగా పెరిగే అవకాశం ఉందని ట్రేడ్ జనాలు అంటుండగా.. ఈసారి హిట్ కచ్చితంగా హిట్ కొడతానని రామ్ సూపర్బ్ కాన్ఫిడెంట్ గా ఉన్నాడు.