బాల‌య్య‌, చిరు సినిమాల్లో హైలైట్ అవే!

2023 సంక్రాంతికి నంద‌మూరి బాల‌కృష్ణ, మెగా స్టార్ చిరంజీవి పోటా పోటీగా పోటీప‌డ‌బోతున్న విష‌యం తెలిసిందే. బాల‌య్య `వీర సింహారెడ్డి`తో రాబోతుండ‌గా, మెగాస్టార్ చిరంజీవి `వాల్తేరు వీర‌య్య‌`తో రాబోతున్నారు. బాల‌య్య న‌టిస్తున్న `వీర సింహారెడ్డి` జ‌న‌వ‌రి 12న రిలీజ్ అవుతుండ‌గా, చిరు `వాల్తేరు వీర‌య్య‌` ఒక్క రోజు ఆల‌స్యంగా జ‌న‌వ‌రి 13న రిలీజ్ అవుతోంది. ఈ రెండు సినిమాల‌ని మైత్రీ మూవీ మేక‌ర్స్ వారు నిర్మిస్తుండ‌టం విశేషం. గతంలో ఏ నిర్మాణ సంస్థ చేయ‌ని ఫీట్ ని ఈ రెండు సినిమాల‌తో సంక్రాంతి బ‌రిలో చేయ‌బోతున్నారు.

అయితే ఇంత‌కీ ఈ రెండు సినిమాల్లో వున్న ప్ర‌త్యేక‌త ఏంటీ?.. అనేది ఇప్పుడు ఆస‌క్తిక‌రంగా మారింది. క‌రోనా త‌రువాత ప్రేక్ష‌కుల ఆలోచ‌నా విధానంలో భారీ మార్పులు చోటు చేసుకున్నాయి. ఎంత పెద్ద స్టార్ న‌టించిన సినిమా అని చూడ‌టం లేదు. ఎంత మంచి కంటెంట్ వుంది అని మాత్ర‌మే సినిమాల‌కు వ‌స్తున్నారు. త‌మ‌ని ఎగ్జైట్ చేసే సినిమాల‌కే తొలి ప్రాధాన్య‌త నిస్తున్నారు. దీంతో మేక‌ర్స్ త‌మ సినిమాల‌లో ప్ర‌త్యేక‌త‌లు వుండేలా ప్లాన్ చేస్తున్న విష‌యం తెలిసిందే.  

బాల‌కృష్ణ న‌టిస్తున్న `వీర సింహారెడ్డి`తో పాటు చిరు `వాల్తేరు వీర‌య్య‌`లోనూ ఫ్యాన్స్ కి పూన‌కాలు తెప్పించే సీన్స్ వున్నాయ‌ట‌. ఈ రెండు సినిమాల కోసం అదిరిపోయే యాక్ష‌న్ ఘ‌ట్టాల‌ని ఫైట్ మాస్ట‌ర్స్ రామ్ ల‌క్ష్మ‌ణ్ డిజైన్ చేశార‌ట‌. `వీర సింహారెడ్డి`లో బాల‌య్య సాల్ట్ అండ్ పెప్ప‌ర్ లుక్ లో లుంగీ ధ‌రించి ప‌వ‌ర్ ఫుల్ క్యారెక్ట‌ర్ లో క‌నిపించ‌నున్న విషయం తెలిసిందే. మూవీలో ప్ర‌త్యేకంగా బాల‌య్య‌పై ఛైర్ ఫైట్ ని రామ్ ల‌క్ష్మ‌ణ్ డిజైన్ చేశార‌ట‌. ఛైర్ లోంచి లేవ‌కుండా బాల‌య్య చేసే ఫైట్ సినిమాకు ప్ర‌ధాన హైలైట్ గా నిలుస్తుంద‌ని, థియేట‌ర్ల‌లో ఫ్యాన్స్ కి పూన‌కాలు తెప్పిస్తుంద‌ట‌.

ఇక ఇదే త‌ర‌హాలో చిరు `వాల్తేరు వీర‌య్య‌`కోసం రామ్ ల‌క్ష్మ‌ణ్ గ‌న్ ఫైరింగ్ ఫైట్ ని స్టైలిష్ గా డిజైన్ చేశార‌ట‌. ఇంట‌ర్వెల్ బ్యాంగ్ కి బిఫోర్ వ‌చ్చే ఆ ఫైట్ లో చిరు మెషీన్ గ‌న్ తో ఫైర్ చేస్తూ స్టైలిష్ గా క‌నిపించే సీన్ కేక‌లే అని తెలుస్తోంది. అంత వ‌ర‌కు ముఠామేస్త్రీ స్టైల్ మేకోవ‌ర్ లో వుండే చిరు ఒక్క‌సారిగా జీన్స్ ధ‌రించి స్టైల్ గా మెషీన్ గ‌న్ తో ఫైర్ చేస్తూ మెరుపులు మెరిపిస్తాడ‌ట‌. ఇది థియేట‌ర్ల‌లో విజిల్స్ వేయిస్తుంద‌ని చెబుతున్నారు. చిరు - శృతిల‌పై కూడా ఓ స‌ర‌దా ఫైట్ ని బాబీ డిజైన్ చేసిన ఫైట్ కూడా సినిమాకు హైలైట్ గా నిల‌వ‌డమే కాకుండా ఫ్యాన్స్ ని ఎంట‌ర్ టైన్ చేస్తుంద‌ని తెలుస్తోంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.