వాల్తేరు వీరయ్య సెన్సార్ రిపోర్ట్.. ఇది మ్యాటర్!

మెగాస్టార్ చిరంజీవి వాల్తేరు వీరయ్య సినిమా జనవరి 13వ తేదీన గ్రాండ్ గా విడుదల కాబోతున్న విషయం తెలిసిందే. మైత్రి మూవీ మేకర్స్ ఎంతో ప్రతిష్టాత్మకంగా నిర్మించిన ఈ సినిమాలో మాస్ మహారాజ్ రవితేజ కూడా మరో కీలకమైన పాత్రలో కనిపించబోతూ ఉండడం విశేషం. ఇక శృతిహాసన్ హీరోయిన్ గా నటించిన ఈ సినిమాలో ప్రముఖ నటి నటులు కూడా విభిన్నమైన పాత్రలో నటించారు.

ఇక ఈ సినిమాకు సంబంధించిన సెన్సార్ పనులు కూడా కొద్దిసేపటికి క్రితం ఫినిష్ అయ్యాయి. సెన్సార్ యూనిట్ సభ్యుల నుంచి U/A సర్టిఫికెట్ లభించింది. అంతేకాకుండా వారి నుంచి సినిమాకు పాజిటివ్ రెస్పాన్స్ వచ్చినట్లుగా తెలుస్తోంది. మెగాస్టార్ చిరంజీవి మార్క్ కు తగ్గట్టుగా మంచి మాస్ ఎంటర్టైన్మెంట్ సన్నివేశాలు హైలెట్ కాబోతున్నాయట. అలాగే మాస్ ఇంట్రడక్షన్ తో పాటు కొన్ని యాక్షన్ సన్నివేశాలు కూడా నెవర్ బిఫోర్ అనేలా ఉంటాయట.

ముఖ్యంగా మెగాస్టార్ కామెడీ టైమింగ్ కూడా అద్భుతంగా ఉండబోతున్నట్లు చెబుతున్నారు. ఇక సెకండ్ హాఫ్ లో మాత్రం రవితేజ ఎంట్రీ ఊహించిన విధంగా ఉంటుందట. ఇక అతను ఎంట్రీ తోనే మంచి కామెడీ ట్రాక్స్ తో పాటు యాక్షన్ ఎలివేషన్స్ కూడా హైలెట్ అవుతాయని చెబుతున్నారు. మేయిన్ గా మెగాస్టార్ చిరంజీవి రవితేజ మధ్యలో వచ్చే సన్నివేశాలు కూడా అన్ని వర్గాల ప్రేక్షకులను ఆకట్టుకుంటాయట.

ఇక క్లైమాక్స్ లో వచ్చే ఒక ఎమోషనల్ సీన్ కూడా అద్భుతంగా ఉండబోతున్నట్లు చెబుతున్నారు. మెగాస్టార్ చిరంజీవి రవితేజ మధ్యలో కేవలం కామెడీ యాక్షన్ మాత్రమే కాకుండా మంచి ఎమోషనల్ సీన్స్ కూడా హైలెట్ కాబోతున్నట్లు తెలుస్తోంది.
ఇక ఈ సినిమాలో శృతిహాసన్ తో మెగాస్టార్ చేసిన ఒక యాక్షన్స్ రొమాంటిక్ సీన్ కూడా హైలెట్ కాబోతోంది.

అలాగే మెగాస్టార్ చిరంజీవి రవితేజ ఇద్దరు పూనకాలు లోడింగ్ పాటకు అదిరిపోయేలా డాన్స్ పెర్ఫార్మెన్స్ చూపించబోతున్నారు. తప్పకుండా ఫాన్స్ కు మాత్రం వాల్తేరు వీరయ్య ఫుల్ మీల్స్ ఇవ్వబోతున్నట్లు అర్థమవుతోంది. మరి సినిమా బాక్స్ ఆఫీస్ వద్ద ఎలాంటి ఓపెనింగ్స్ అందుకుంటుందో చూడాలి.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.