అదేంటి చిరు ఇంకా 30 శాతమేనా..?

మెగాస్టార్ చిరంజీవి వాల్తేరు వీరయ్య తో ప్రేక్షకుల ముందుకు వచ్చేందుకు సర్వం సిద్ధం అయ్యింది. వాల్తేరు వీరయ్య సినిమా యొక్క ప్రమోషన్‌ కార్యక్రమాల్లో చిరంజీవి పలు ఆసక్తికర విషయాలను మీడియాతో షేర్‌ చేసుకున్నాడు. తన కుటుంబ విషయాలు.. రాజకీయాలతో పాటు తన అప్ కమింగ్‌ సినిమాల గురించి కూడా చిరు స్పందించాడు.

చిరంజీవి తదుపరి సినిమా భోళా శంకర్ అనే విషయం తెల్సిందే. మెహర్‌ రమేష్ దర్శకత్వంలో రూపొందుతున్న ఆ సినిమా వేదాళంకు రీమేక్ అనే విషయం కూడా తెల్సిందే. వాల్తేరు వీరయ్య సినిమా కంటే ముందే భోళా శంకర్‌ సినిమా యొక్క షూటింగ్ కార్యక్రమాలు ప్రారంభం అయ్యాయి.

భోళా శంకర్ సినిమా ను ఇప్పటికే విడుదల చేయాల్సి ఉంది.. వాల్తేరు వీరయ్య సినిమా తో పోల్చితే భోళా శంకర్ సినిమా ను చాలా ముందుగా ప్రకటించినా కూడా షూటింగ్‌ మాత్రం మొదట వాల్తేరు వీరయ్య పూర్తి చేయడం జరిగింది. ఇన్నాళ్లు భోళా శంకర్ సినిమా షూటింగ్ ముగింపు దశకు చేరుకున్నట్లుగా ప్రచారం జరిగింది.

తాజాగా చిరంజీవి ఒక ఇంటర్వ్యూలో మాట్లాడుతూ భోళా శంకర్ సినిమా ఇప్పటి వరకు 30 శాతం చిత్రీకరణ పూర్తయింది. కొత్త షెడ్యూల్‌ ను సంక్రాంతి తర్వాత అంటే జనవరి 17వ తారీకు నుండి మొదలు పెట్టబోతున్నట్లుగా పేర్కొన్నాడు. సినిమాను సమ్మర్ కానుకగా మే నెలలో విడుదల చేయాలని భావిస్తున్నట్లు పేర్కొన్నాడు.

ఇన్నాళ్లు 30 శాతం మాత్రమే చిత్రీకరణ చేసిన భోళా శంకర్‌ యూనిట్‌ సభ్యులు ఈ మూడు నెలల్లోనే పూర్తి షూటింగ్ ను చేస్తారా అనే ప్రశ్న ను కొందరు లేవనెత్తుతున్నారు. షూటింగ్‌ సగానికి పైగా పూర్తి అయ్యి ఉంటుంది. ఇప్పుడు చిరంజీవి 30 శాతం అంటున్నారంటే మళ్లీ కొన్ని సన్నివేశాలను రీ షూట్ చేసే ప్లాన్‌ ఏమైనా ఉండి ఉంటుందని కొందరు అభిప్రాయం వ్యక్తం చేస్తున్నారు. అసలు విషయం ఏంటో ఆ మెగాస్టార్‌ మరియు భోళా శంకర్ మెహర్‌ రమేష్ చెప్పాలి.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.