వాల్తేరు వీరయ్య టైటిల్ సాంగ్ అదిరిందయ్యా..!

మెగాస్టార్ చిరంజీవి నటిస్తున్న వాల్తేరు వీరయ్య సినిమాకు రిలీజ్ మరో మూడు వారాలు ఉన్నా సరే ఓ రేంజ్ లో ప్రమోషన్స్ మొదలు పెట్టారు చిత్రయూనిట్. ఇప్పటికే రెండు సాంగ్స్ రిలీజ్ చేయగా లేటెస్ట్ గా సినిమా నుంచి టైటిల్ ట్రాక్ కూడా వదిలారు. దేవి శ్రీ మార్క్ మ్యూజిక్ తో ఎలక్ట్రిఫైయింగ్ అనిపించేలా ఈ సాంగ్ ఉంది. మెగా ఫ్యాన్స్ ఉత్సాహాన్ని రెట్టింపు చేస్తూ ఈ మెగా బాస్ సాంగ్ వచ్చేసింది. వాల్తేరు వీరయ్య టైటిల్ సాంగ్ తో దేవి తనలోని పవర్ ఏమాత్రం తగ్గలేదని ప్రూవ్ చేశాడు.

ఇప్పటికే సినిమా నుంచి వచ్చిన బాస్ పార్టీ దుమ్ము దులిపేస్తుండగా రీసెంట్ గా వచ్చిన శ్రీదేవి చిరంజీవి కూడా పర్వాలేదు అనిపించుకుంది. లేటెస్ట్ గా వాల్తేరు వీరయ్య టైటిల్ సాంగ్ కూడా శ్రోతలను అలరిస్తుంది. మెగాస్టార్ చిరంజీవి టైటిల్ సాంగ్ ఎలా ఉండాలో ఆ మీటర్ కి ఏమాత్రం తగ్గకుండా ఈ సాంగ్ ఉంది. చంద్రబోస్ లిరిక్స్ సాంగ్ ని నెక్స్ట్ లెవల్ కి తీసుకెళ్లాయి. ఇక సాంగ్ లో బాస్ మాస్ అవతార్ మెగా ఫ్యాన్స్ కి పూనకాలు తెప్పించేలా ఉంది.

చిరు వాల్తేరు వీరయ్య సినిమాలో మాస్ మహారాజ్ రవితేజ కూడా నటిస్తున్నాడని తెలిసిందే. చిరు, రవితేజ కాంబో సీన్స్ సినిమాకు హైలెట్ గా ఉంటాయని తెలుస్తుంది. వాల్తేరు వీరయ్యని మెగా ఫ్యాన్స్ మాత్రమే కాదు కామన్ ఆడియన్స్ కూడా విజిల్స్ వేసేలా తెరకెక్కిస్తున్నాడు డైరెక్టర్ బాబీ. ఇక మెగా ఫ్యాన్స్ కి అయితే ఫుల్ మీల్స్ పక్కా అని డిసైడ్ అవ్వండని అంటున్నాడు. ఓ విధంగా రైటర్ కమ్ డైరెక్టర్ కాబట్టి బాబీ మాటలని నమ్మేసేయొచ్చు.

సో మెగాస్టార్ బొమ్మకి సంక్రాంతికి రచ్చ రంభోలా చేయడం పక్కా అని ఫిక్స్ అవ్వొచ్చు. పోటీగా వీర సింహారెడ్డి, వారసుడు మరో రెండు సినిమాలు వస్తున్నా బాక్సాఫీస్ పై మెగా మేనియా చూపించాలని వస్తున్నాడు ఈ వాల్తేరు వీరయ్య. మరి బాస్ ఎంట్రీ ఇస్తే బాక్సాఫీస్ షేక్ అవుతుందా లేదా అన్నది తెలియాలంటే మరో మూడు వారాలు వెయిట్ చేయాల్సిందే. ఈ సినిమాలో చిరు సరసన శృతి హాసన్ కథానాయికగా నటిస్తుంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.