వాల్తేరు వీరయ్య న్యూ టీజర్.. హిందీ హడావిడి మొదలైంది

మెగాస్టార్ చిరంజీవి నటించిన వాల్తేరు వీరయ్య సినిమా 2023 జనవరి 13వ తేదీన ప్రేక్షకుల ముందుకు రాబోతుంది. మైత్రి మూవీ మేకర్స్ నిర్మించిన ఈ సినిమా తప్పకుండా సంక్రాంతి ఫెస్టివల్ లో సక్సెస్ అవుతుంది అని చిత్ర యూనిట్ సభ్యులు ఎంతగానో నమ్ముతున్నారు. ఇక బాబీ డైరెక్ట్ చేసిన ఈ సినిమాకు సంబంధించిన ప్రమోషన్స్ కూడా జోరుగా కొనసాగుతున్నాయి.

మాస్ మహారాజ్ రవితేజ కూడా ఈ సినిమాలో ఒక ముఖ్యమైన పాత్రలో కనిపించబోతున్న విషయం తెలిసిందే. ఇక రీసెంట్ గా ప్రత్యేకమైన ప్రెస్ మీట్ లో కూడా సినిమా గురించి చెప్పిన విధానం బాగానే బజ్ అయితే క్రియేట్ చేసింది.

అయితే ఇదే సినిమాను హిందీలో కూడా ఒకేసారి విడుదల చేయబోతున్నట్లు చిత్ర నిర్మాణ సంస్థ క్లారిటీ ఇచ్చిన విషయం తెలిసిందే.

ఇంతకుముందు మెగాస్టార్ చిరంజీవి గాడ్ ఫాదర్ సినిమా హిందీలో పరవాలేదు అనే విధంగా ఆకట్టుకుంది. అయితే అందులో సల్మాన్ ఖాన్ గెస్ట్ పాత్రలో కనిపించడం వలన హిందీ మార్కెట్లో కొంత బజ్ అయితే పెరిగింది. ఇక ఇప్పుడు మెగాస్టార్ చిరంజీవి రవితేజతో కలిసి వాల్తేరు వీరయ్య గా రాబోతున్నాడు. ఈ సినిమాకు హిందీ ఆడియోన్స్ నుంచి ఎలాంటి రెస్పాన్స్ వస్తుంది అనేది చూడాలి.

ఇక తప్పకుండా ఈ సినిమా బాక్సాఫీస్ వద్ద సెన్సేషన్ క్రియేట్ చేస్తుంది అని మైత్రి మూవీ మేకర్స్ మిగతా సినిమాలతో పోటీ పడుతూ విడుదల చేయబోతోంది. ఇక హిందీలో ఇదివరకే వాళ్లు పుష్ప సినిమాతో మంచి సక్సెస్ అందుకొని ఫామ్ లో ఉన్నారు.

ఇక అదే బ్యానర్ నుంచి వస్తున్న సినిమా అని కూడా అక్కడ హడావిడి చేసే అవకాశం ఉంది. ఇక రవితేజ హిందీ డబ్బింగ్ సినిమాలకు కూడా మంచి క్రేజీ ఉంది. అతడి నుంచి కూడా నార్త్ ఆడియెన్స్ ను ఎట్రాక్ట్ అవకాశం ఉంది. మరి ఈ సినిమా హిందీ మార్కెట్లో ఎంతవరకు నిలదొక్కుకుంటుందో చూడాలి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.