వీరయ్యలో చిరు ఎనర్జీ.. మెగా ఫ్యాన్స్ కి పూనకాలే..!

ఎన్నో రోజులుగా ఎదురుచూస్తున్న మెగాస్టార్ మెగా మూవీ వాల్తేరు వీరయ్య నేడు ప్రేక్షకుల ముందుకు వచ్చింది. సంక్రాంతి కానుకగా తెలుగు రెండు రాష్ట్రాల్లోనే కాదు ఫారిన్ లో కూడా వాల్తేరు వీరయ్య సందడి కనిపిస్తుంది.

ఏపీ, తెలంగాణలో తెల్లవారుజామున ఆటకు పర్మిషన్ దొరకడంతో మెగా ఫ్యాన్స్ రెచ్చిపోతున్నారు. ఇక వాల్తేరు వీరయ్య ఫస్ట్ టాక్ బయటకు వచ్చింది. కథ కాస్త రొటీన్ గా అనిపించినా మెగా ఫ్యాన్స్ చిరంజీవిని ఎలా చూడాలని అనుకుంటున్నారో అలా చూపించారు డైరెక్టర్ బాబీ.

వింటేజ్ చిరంజీవిని ఈ సినిమాలో చూపించి మెగా ఫ్యాన్స్ కు పూనకాలు వచ్చేలా చేశాడు బాబీ. చిరు అభిమానిగా బాబీ మెగాస్టార్ ని ఫ్యాన్స్ ఎలా చూడాలని అనుకుంటున్నారో అదే పంథాలో అటు క్లాస్ ఇటు మాస్ అందరి ఆడియన్స్ కు కనెక్ట్ అయ్యేలా సినిమా తీశారు.

చిరు లోని ఆ చిలిపితనం.. కామెడీ టైమింగ్.. మాస్ యాటిట్యూడ్, డ్యాన్స్ లో తన గ్రేస్ ఇవన్నీ వింటేజ్ చిరుని దించేశారు. మెగా ఫ్యాన్స్ అందరికి మెగా ట్రీట్ అందించేలా వాల్తేరు వీరయ్య ఉందని చెప్పొచ్చు.

వాల్తేరు వీరయ్య సినిమా మొదటి నుంచి అంచనాలు తారాస్థాయిలో ఉన్నాయి. తన గ్యాంగ్ తో చిరు చేసే హంగామా అంతా ఇంతా కాదు. సినిమాలో ఒకప్పటి చిరును చూసి మెగా ఫ్యాన్స్ అంతా ఖుషి అవుతున్నారు. చిరు సరసన శృతి హాసన్ కూడా మెప్పించింది. వాల్తేరు వీరయ్యగా చిరు చాలా కాలం తర్వాత ఒక పక్కా మాస్ మసాలా సినిమా అందించారు. ఈ సంక్రాంతికి ఇది మెగా ఫ్యాన్స్ కి మాస్ ఫీస్ట్ అందించడంలో సక్సెస్ అవుతుందని చెప్పొచ్చు.

దేవి శ్రీ ప్రసాద్ మ్యూజిక్ కూడా సినిమాకు ప్లస్ అయ్యింది. మెగా మాస్ ఎలివేషన్ సీన్స్ లో దేవి అదరగొట్టాడు. సినిమాలో చిరు, రవితేజ సీన్స్ చాలా బాగున్నాయి. మెగా మాస్ ఎంటర్టైనర్ గా వచ్చిన వాల్తేరు వీరయ్య మరోసారి బాక్సాఫీస్ దగ్గర మెగాస్టార్ చిరంజీవి సత్తాని చాటుతుందని చెప్పొచ్చు. చిరు రీ ఎంట్రీ తర్వాత పూర్తి స్థాయిలో మాస్ మూవీగా వచ్చింది వాల్తేరు వీరయ్య. మరి ఈ వీరయ్యని మెగా ఫ్యాన్స్ ఏ రేంజ్ కు తీసుకెళ్తారో చూడాలి.