వాల్తేరు వీరయ్య అక్కడ కూడా అదృష్టాన్ని పరీక్షించుకోబోతున్నాడట!

మెగాస్టార్ చిరంజీవి నటించిన వాల్తేరు వీరయ్య సినిమా సంక్రాంతి కానుకగా ప్రేక్షకుల ముందుకు రాబోతున్న విషయం తెల్సిందే. భారీ అంచనాల నడుమ బాబీ దర్శకత్వంలో మైత్రి మూవీ మేకర్స్ వారు నిర్మించిన ఈ సినిమా కచ్చితంగా సంక్రాంతి విజేతగా నిలుస్తుందని మెగా అభిమానులు చాలా నమ్మకంతో కనిపిస్తున్నారు.

అన్ని వర్గాల వారిని ఆకట్టుకునే విధంగా ఈ సినిమా ఉంటుందని మెగా ఫ్యాన్స్ ధీమాతో ఉన్నారు. తాజాగా సినిమా యొక్క ప్రమోషన్‌ కార్యక్రమాలు షురూ అయ్యాయి. మైత్రి మూవీ మేకర్స్ వారు పెద్ద ఎత్తున ప్రమోషనల్‌ ఈవెంట్స్ ను ప్లాన్‌ చేసినట్లుగా తెలుస్తోంది. ఇక మైత్రి వారి పుష్ప సినిమా హిందీలో సంచలన విజయాన్ని నమోదు చేసిన విషయం తెల్సిందే.

ఆ కారణంగానే వాల్తేరు వీరయ్య సినిమాను కూడా హిందీలో విడుదల చేసేందుకు సిద్ధం అయ్యారట. మైత్రి మూవీ మేకర్స్ వారు స్వయంగా వాల్తేరు వీరయ్య సినిమాను హిందీలో అదే తేదీకి విడుదల చేయబోతున్నట్లుగా పేర్కొన్నారు. అక్కడ ప్రమోషన్ కూడా చేస్తామన్నట్లుగా వారు తెలియజేశారు.

చిరంజీవికి మంచి క్రేజ్ ఉన్న కారణంగా హిందీలో మినిమం ఓపెనింగ్స్ ఖాయం. సినిమాకు పాజిటివ్‌ టాక్ వస్తే పుష్ప రేంజ్ లో కలెక్షన్స్ వచ్చినా ఆశ్చర్యం లేదు. అందుకే ఛాన్స్ ఎందుకు వదులుకోవాలి అన్నట్లుగా హిందీలో వాల్తేరు వీరయ్య సినిమాను విడుదల చేయాలని నిర్ణయించుకున్నట్లుగా తెలుస్తోంది.

వాల్తేరు వీరయ్య సినిమా ను హిందీలో విడుదల చేయడం ద్వారా మైత్రి మూవీ మేకర్స్ వారు మరోసారి తమ అదృష్టాన్ని పరీక్షించుకోబోతున్నారు. ఈ మధ్య కాలంలో హిందీ సినిమాల కంటే కూడా అధికంగా సౌత్‌ సినిమాలను ఉత్తరాది ప్రేక్షకులు ఎంజాయ్ చేస్తున్నారు.

కనుక ఈ సినిమా వారికి చేరువ అవుతుందని.. సక్సెస్ అవుతుందని మైత్రి వారి నమ్మకం అయ్యి ఉంటుంది. మరి హిందీ వాల్తేరు వీరయ్య పరిస్థితి ఏంటో చూడాలి.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.