టాలీవుడ్ స్టార్స్ నుండి 'బర్త్ డే' అప్డేట్స్ వచ్చేలా లేవా..??

టాలీవుడ్ ప్రిన్స్ మహేష్ బాబు.. ప్రస్తుతం కమర్షియల్ ఎంటర్టైనర్ 'సర్కారు వారి పాట' మూవీతో ప్రేక్షకులను అలరించేందుకు సిద్ధం అవుతున్నాడు. పరశురామ్ దర్శకత్వంలో తెరకెక్కుతున్న ఈ సినిమాలో మహేష్ బాబు సరసన యంగ్ యాక్ట్రెస్ కీర్తిసురేష్ ఫస్ట్ టైం జతకడుతోంది. గతేడాది సరిలేరు నీకెవ్వరూతో సూపర్ హిట్టు అందుకున్న మహేష్.. కొన్నేళ్లుగా వరుస బ్లాక్ బస్టర్స్ ఖాతాలో వేసుకుంటున్నాడు. శ్రీమంతుడు నుండి వరుసగా భరత్ అనే నేను, మహర్షి, సరిలేరు నీకెవ్వరూ సినిమాలతో సూపర్ ఫామ్ లో ఉన్నాడు. ప్రస్తుతం 'సర్కారు వారి పాట' పై అభిమానులలో ఇప్పటికే అంచనాలు భారీస్థాయికి చేరుకున్నాయి.

టైటిల్ నుండి మోషన్ పోస్టర్ వరకు అన్ని ఈ సినిమా పై హైప్ క్రియేట్ చేసాయి. డైరెక్టర్ పరశురామ్ కూడా ఈ సినిమాను ఎంతో ప్రతిష్టాత్మకంగా రూపొందిస్తున్నాడు. మహేష్ ఫ్యాన్స్ సూపర్ స్టార్ కృష్ణ బర్త్ డే సందర్బంగా అంటే మే 31న పక్కా ట్రీట్ ఇస్తారని వెయిట్ చేస్తున్నారు. విషయం ఏంటంటే.. డైరెక్టర్ త్రివిక్రమ్ తో మహేష్ చేయబోయే మూడో సినిమా నుండి క్రేజీ అప్డేట్ వస్తుందని ఫ్యాన్స్ ఎక్సపెక్ట్ చేస్తున్నారు. త్రివిక్రమ్ సినిమాకు సంబంధించి టైటిల్ అనౌన్స్ మెంట్ జరుగుతుందని భావిస్తున్నారు. కానీ పరిస్థితి చూస్తుంటే అప్డేట్స్ ఏవి వచ్చేలా లేవని సినీవర్గాలలో టాక్. పూజా కార్యక్రమంతో ముగిస్తారేమో అని పుకార్లు వినిపిస్తున్నాయి.

అదేవిధంగా మరోవైపు యంగ్ టైగర్ ఎన్టీఆర్ నుండి మే 20న తదుపరి సినిమాలకు సంబంధించి అప్డేట్స్ వదులుతారేమో అని నందమూరి ఫ్యాన్స్ ఎక్సపెక్ట్ చేస్తున్నారు. ఇంకా రాజమౌళి బృందం కూడా అప్డేట్ పై ఎలాంటి క్లారిటీ ఇవ్వలేదు. మరి కొరటాల సినిమా నుండి ఎలాంటి వార్తలు వినిపించడం లేదు. అలాగే ఎన్టీఆర్ 31వ సినిమాకు సంబంధించి పలు పుకార్లు హల్చల్ చేస్తున్నాయి. కానీ వాటి పై కూడా ఇంతవరకు ఎలాంటి క్లారిటీ రాలేదు. మరి ఈ లెక్కన ఫ్యాన్స్ మాత్రం భారీ ఎక్సపెక్టషన్స్ పెట్టుకున్నట్లు సమాచారం. చూడాలి మరి ఏదైనా అప్డేట్స్ వస్తాయేమో. ప్రస్తుతం వాతావరణం చూస్తుంటే ఎలాంటి అప్డేట్స్ వచ్చేలా లేవని సినీవర్గాలలో టాక్.