వార్న‌ర్ బ్ర‌ద‌ర్స్ లో భార‌తీయ వ‌నిత కీరోల్

భార‌తీయ ప్ర‌తిభ వినువీధుల్లో సంచ‌లనాలు సృష్టిస్తోంది. విదేశీ గ‌డ్డ‌పై భార‌తీయత గొప్ప‌త‌నాన్ని చాటుతోంది. ఎంద‌రో ప్ర‌తిభావంతులు అమెరికా స‌హా అగ్ర రాజ్యాల్లో ఉన్న‌త స్థానాల‌ను ప‌ద‌వుల‌ను అలంక‌రించారు. సినీరంగంలోనూ మ‌న‌వాళ్లు అని చెప్పుకోద‌గ్గ దిగ్గ‌జాలు పెద్ద పోస్టుల్లో ప‌ని చేస్తున్నారు. తాజాగా భారత సంతతికి చెందిన పరుల్ అగర్వాల్ ప్ర‌ఖ్యాత హాలీవుడ్ నిర్మాణ సంస్థ‌ వార్నర్ బ్రదర్స్ లో సీనియర్ వైస్ ప్రెసిడెంట్ గా.. డ్రామా డెవలప్ మెంట్ హెడ్ గా పదోన్నతి పొందారు.

పారుల్ అత్యున్న‌త విద్యావంతురాలు. టిస్చ్ స్కూల్ ఆఫ్ ది టిస్చ్ స్కూల్ నుండి పట్టభద్రురాల‌య్యారు. ఆర్ట్స్- న్యూయార్క్ యూనివర్సిటీ - ఆల్ అమెరికన్ - బాట్ వుమన్ - బ్లాక్ లైట్నింగ్- కుంగ్ ఫూ -సూపర్ గర్ల్ వంటి పాపుల‌ర్ ప్రదర్శనలను అభివృద్ధి చేసిన ఘ‌న‌త త‌న సొంతం.

త‌దుప‌రి 'గోతం నైట్స్' లో కూడా ఆమె తన సృజనాత్మక ఐడియాల‌జీని అభివృద్ధి చేసి స‌హ‌క‌రించింది. నెట్‌ఫ్లిక్స్ 'చిల్లింగ్ అడ్వెంచర్స్ ఆఫ్ సబ్రినా అండ్ మెయిడ్'... హులు 'క్యాజిల్ రాక్‌'తో కూడా అనుబంధం కలిగి ఉంది.

అగర్వాల్ వాస్తవానికి 2010లో వార్నర్ బ్రదర్స్ టీవీలో చేరారు. ఆమె 2019లో డ్రామా డెవలప్ మెంట్ వైస్ ప్రెసిడెంట్ స్థానానికి ఎదిగారు. అంత‌కుముందే గొప్ప‌గా గుర్తింపు పొందిన టీవీ సిరీస్ మ్యాడ్ మెన్ -డ్రీమ్‌వర్క్స్ యానిమేషన్ 'బ్లేడ్స్ ఆఫ్ గ్లోరీ'కి VFX సమన్వయకర్తగా స్క్రిప్ట్ కోఆర్డినేటర్ గా ఉన్నారు. వార్నర్ బ్రదర్స్ సూపర్ మ్యాన్ రిటర్న్స్ కి ప‌ని చేసారు.

వార్నర్ బ్రదర్స్ డిస్కవరీ కంపెనీ వార్నర్ బ్రదర్స్ టీవీ గ్రూప్ నుండి 82 మంది ఉద్యోగులను తొలగిస్తున్నట్లు ప్రకటించిన తర్వాత అగర్వాల్ ప్రమోషన్ ప్రకటన వచ్చింది. కంపెనీ నుండి ఉద్యోగులను తొలగిస్తున్నట్లు ప్రకటించినా కానీ భారతీయ సంతతికి చెందిన పరుల్ కు అత్యంత ప్రాధాన్య‌త‌నిచ్చి ఇలా ప్రచారం కల్పించడం గర్వించదగ్గ విషయం.

అదే సమయంలో గ్రూప్ వర్క్ ఫోర్స్‌లో దాదాపు 26 శాతం మంది 43 ఓపెన్ పొజిషన్ లను భర్తీ చేయకూడదని నిర్ణయించుకున్నారు. ఆగస్టులో HBO అండ్ HBO మ్యాక్స్ లో తొలగింపుల ప్రకటన తర్వాత ఇది జరిగింది. నిజానికి పారుల్ ప్ర‌తిభ‌కు ద‌క్కిన అరుదైన గౌర‌వం ఇద‌ని భావించాలి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.