ప్ర‌యివేటుగా వెంకీ డాట‌ర్ నిశ్చితార్థం

విక్ట‌రీ వెంక‌టేష్ ఇంట పెళ్లి బాజా మోగ‌నుందని గ‌త కొంత‌కాలంగా వార్త‌లు వ‌స్తున్న సంగ‌తి తెలిసిందే. వెంకీ పెద్ద కుమార్తె ఆశ్రిత ద‌గ్గుబాటి .. హైదరాబాద్ రేస్ క్లబ్ చైర్మన్ ఆర్ సురేందర్ రెడ్డి మనవడితో ఆశ్రిత నిశ్చితార్థం నేటి సాయంత్రం జ‌ర‌గ‌నుంద‌ని తెలుస్తోంది. అయితే ఈ వేడుక‌ను అత్య ంత గోప్య ంగా నిర్వ‌హిస్తుండ‌డంతో మీడియాకి సైతం స‌రైన స‌మాచారం లేదు.

ఆశ్రిత‌ది పెద్ద‌లు కుదిర్చిన ప్రేమ‌వివాహం. ఇక ఇప్ప‌టికే మార్చి 1న పెళ్లికి ముహూర్తం నిర్ణ‌యించార‌ని తెలుస్తోంది. ఈ పెళ్లిని హైద‌రాబాద్ రామానాయుడు స్టూడియోస్ లో ఘ‌నంగా నిర్వ‌హించేందుకు ఏర్పాట్లు సాగుతున్నాయిట‌. ఓవైపు వెంకీ ఎఫ్ 2 స‌క్సెస్ జోష్ లో ఉన్నారు. మ‌రోవైపు కుమార్తె వివాహానికి ఏర్పాట్లు జ‌రుగుతున్న వేళ ఎంతో సంతోషంగా ఉన్నార‌ని చెప్పుకుంటున్నారు.

ఆశ్రిత ప్రొఫెష‌న‌ల్‌ బేక‌ర్. రామానాయుడు స్టూడియో ఇన్ఫినిటి ప్లాట్ట‌ర్ పేరుతో స్టాల్ ఏర్పాటుచేసి హోమ్ మేడ్ కుకీస్ ను స‌రికొత్త రుచుల్లో అందిస్తున్నారు. హైద‌రాబాద్ లో బేక‌రీ చైన్ షాప్స్ ని నిర్వ‌హిస్తున్నార‌న్న స‌మాచారం ఉంది. అమెరికాలో చ‌దువుల అనంత‌రం త‌ను తిరిగి ఇక్కడికి వ‌చ్చేశారు. త‌న స్నేహితుడినే ప్రేమించి వివాహం చేసుకుంటున్నార‌ని తెలుస్తోంది. ఎస్.ఎస్.రాజ‌మౌళి కుమారుడు కార్తికేయ ప్రేమ వివాహం అనంత‌రం టాలీవుడ్ లో జ‌రుగుతున్న గ్రాండ్ వెడ్డింగ్ ఈవెంట్ ఇదే కావ‌డం విశేషం. నేటి సాయంత్రం నిశ్చితార్థ వేడుక కేవ‌లం కొద్ది మంది బంధుమిత్రుల స‌మ‌క్షంలో ప్ర‌యివేట్ ఎఫైర్ గా సాగ‌నుంద‌ని తెలుస్తోంది. మీడియాకి స‌రైన స‌మాచారం లేక‌పోవ‌డంతో ప‌లువురు ఇప్ప‌టికే ఆరాలు తీసి క‌న్ఫామ్ చేసుకోవాల్సిన స‌న్నివేశం నెల‌కొంది. ప‌రిశ్ర‌మ ప్ర‌ముఖుల‌కు సైతం ఈ నిశ్చితార్థానికి ఆహ్వానం లేద‌ట‌. ఇక‌పొతే.. వ‌రుడు మాజీ సీయం కిర‌ణ్ కుమార్ రెడ్డికి అత్య ంత స‌న్నిహిత బంధువులు అని తెలుస్తోంది.