జ‌య‌ల‌లిత బ‌యోపిక్ ఏమైంది నిత్యా?

వ‌రుస‌గా కంగ‌న‌.. నిత్యామీన‌న్.. ర‌మ్య‌కృష్ణ‌.. ఈ ముగ్గురిని త‌లైవి జ‌య‌ల‌లిత పాత్ర‌లో చూడ‌బోతున్నామంటూ సంబ‌ర‌ప‌డ్డాం. ఇందులో రెండు సినిమాలు వ‌చ్చి వెళ్లాయి. టైటిల్ పాత్ర‌ల్లో న‌టీమ‌ణుల ప్ర‌ద‌ర్శ‌న అంద‌రికీ న‌చ్చినా కానీ ఎందుక‌నో బ‌యోపిక్ కేట‌గిరీలో ఇవేవీ పెద్ద హిట్లు కాలేదు.

కంగ‌న త‌లైవి బ‌యోపిక్ తో పాటు .. ర‌మ్య‌కృష్ణ న‌టించిన జ‌య‌ల‌లిత వెబ్ సిరీస్ ఓటీటీలో అందుబాటులో ఉన్నాయి. కానీ నిత్యా మీన‌న్ న‌టించిన జ‌య‌ల‌లిత బ‌యోపిక్ ఏమైంది? అంటూ కొన్నాళ్లుగా సందేహం వ్య‌క్త‌మ‌వుతోంది.

చాలా కాలం క్రిత‌మే నిత్యా 'ది ఐర‌న్ లేడీ' (2019) ఫ‌స్ట్ లుక్ విడుద‌లైంది. దానికి అద్భుత స్పంద‌న వ‌చ్చింది. అమ్మ జ‌య‌ల‌లిత‌ పాత్ర‌కు నిత్యా ప‌ర్ఫెక్ట్ గా సూట‌బుల్ అని ప్ర‌శంసించారు. కంగ‌న వేషాల కంటే నిత్యా బెట‌ర‌ని కూడా పొగిడారు. 'క్వీన్' వెబ్ సిరీస్ తో ర‌మ్య‌కృష్ణ‌- గౌత‌మ్ మీన‌న్ బృందం ఆక‌ట్టుకున్నా కానీ అది స్ట్రెయిట్ థియేట్రిక‌ల్ సినిమా కాక‌పోవ‌డం నిరాశ‌ప‌రిచింది. జ‌య‌ల‌లిత పాత్ర‌లో ర‌మ్య‌కృష్ణ లాంటి సీనియ‌ర్ న‌టించ‌గా త‌న న‌ట‌న అభిమానుల‌కు బాగా న‌చ్చింది.

జూనియ‌ర్ సౌంద‌ర్య‌గా పాపుల‌రైన‌ నిత్యా మీన‌న్ అంత‌కుమించి మెప్పిస్తుంద‌ని అభిమానులంతా వేచి చూశారు. కానీ ఏదీ..? ఆ సినిమా రానేలేదు? నిత్యా 'ది ఐర‌న్ లేడీ' ఏమైన‌ట్టు? అంటూ ఇప్పుడు ర‌క‌ర‌కాల సందేహాలు వ్య‌క్త‌మ‌వుతున్నాయి. ఈ సినిమాకి సంబంధించిన అప్ డేట్ ఏదీ లేక‌పోవ‌డంతో స్క్రాప్ చేసేశారని కూడా భావిస్తున్నారు.

ఇటీవ‌లే వండ‌ర్ ఉమెన్ అనే ఓటీటీ సినిమాతో ప్రేక్ష‌కుల ముందుకు వ‌చ్చింది నిత్యా. సోని లివ్ లో ఇది స్ట్రీమ్ అవుతోంది. ఈ సినిమాకి అంజ‌లి మీన‌న్ ద‌ర్శ‌క‌త్వం వ‌హించారు. అలాగే కేర‌ళ ఇంట‌ర్నేష‌న‌ల్ ఫిలింఫెస్టివ‌ల్స్ 2022 లోను నిత్యా న‌టించిన సినిమా ప్ర‌ద‌ర్శిత‌మైంది. ఆ సినిమా టైటిల్ 19(1)(a).

గ‌త ఏడాది రెండు మలయాళ చిత్రాల్లో న‌టిస్తోంద‌ని క‌థ‌నాలొచ్చాయి. కోలంబి స‌హా.. కుంచాకో బోబన్ తో ఒక స్పోర్ట్స్ ఫిల్మ్ లోనూ న‌టిస్తోంద‌ని తెలిసింది. ట్యాలెంటెడ్ మిస్కిన్ తో ఒక ప్రాజెక్ట్ చేస్తోంది. కానీ ఈ సినిమాల వివ‌రాలు వెల్ల‌డి కావాల్సి ఉంది. మ‌రోవైపు నిత్యా ప్ర‌స్తుతం వెబ్ సిరీస్ లు చేస్తోందంటూ ప్ర‌చార‌మ‌వుతోంది. కానీ దేనికీ స‌రైన క్లారిటీ రాలేదు. ముఖ్యంగా నిత్యాతో జ‌య‌ల‌లిత బ‌యోపిక్ ఏమైంది? అన్న ప్ర‌శ్న‌కు ఆన్స‌ర్ లేదు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.